លោក គីម ជុងអ៊ុន បានទៅដល់ប្រទេសវៀតណាមហើយ

2019-02-26 02:35:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក គីម ជុងអ៊ុន មេដឹកនាំកូរ៉េខាងជើង នៅថ្ងៃទី២៦ ខែកុម្ភៈនេះ បានចុះពីលើរថភ្លើង ជាន់លើកម្រាលព្រំពណ៌ក្រហម នៅស្ថានីយរថភ្លើងក្រុង Dong Dang ក្នុងដំណើរមកដល់ប្រទេសវៀតណាម ដើម្បីចូលរួមកិច្ចប្រជុំកំពូលលើកទី២ ជាមួយលោកប្រធានាធិបតីអាមេរិក ដូណាល់ ត្រាំ ដែលនឹងប្រព្រឹត្តទៅ ចាប់ពីថ្ងៃទី២៧ ដល់ ២៨ ខែកុម្ភៈ ឆ្នាំ២០១៩។

លោក គីម ជុងអ៊ុន ត្រូវបន្តជិះរថយន្ត លើចម្ងាយផ្លូវប្រមាណជិត ២០០គីឡូម៉ែត្រទៀត ទៅកាន់ក្រុងហាណូយ។

លោក គីម ជុងអ៊ុន ចុះពីលើរថភ្លើង នៅស្ថានីយ Dong Dang ប្រទេសវៀតណាម នាថ្ងៃទី២៦ ខែកុម្ភៈនេះ (រូបភាពផ្ដល់សិទ្ធិដោយ Reuters)

ការទៅដល់នេះ គឺបន្ទាប់ពីលោក គីម បានចំណាយពេល ២ថ្ងៃកន្លះ ដើម្បីជិះរថភ្លើង ចេញពីក្រុងព្យុងយ៉ាង កាលពីថ្ងៃទី២៣ ខែកុម្ភៈ ឆ្នាំ២០១៩ ក្នុងចម្ងាយផ្លូវ ៤០២៣គីឡូម៉ែត្រ ឆ្លងកាត់ប្រទេសចិន ទៅកាន់វៀតណាម។

រូបភាពផ្ដល់សិទ្ធិដោយ Reuters

មន្ត្រីវៀតណាម បានទទួលស្វាគមន៍យ៉ាងកក់ក្ដៅ និងបង្ហាញស្នាមញញឹមដាក់លោក គីម និងប្រតិភូ មុនមេដឹកនាំកូរ៉េខាងជើង ចូលទៅក្នុងរថយន្ត Mercedes ។ ហើយរថយន្តបានបើកចេញទៅ ដោយមានអង្គរក្ស រត់តាមផងដែរ៕

រូបភាពផ្ដល់សិទ្ធិដោយ Reuters

North Korean leader Kim Jong-un walked out of the Dong Dang station in Vietnam and headed to Hanoi by car on Tuesday. #TrumpKimSummit (video via KBS) pic.twitter.com/st4HPyzzUC
— Global Times (@globaltimesnews) February 26, 2019