ត្រាំ ដេញតំណាងស្ថាប័នសារព័ត៌មានធំៗ ៤ ចេញពីជំនួបមួយ នៅហាណូយ

2019-02-28 04:03:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកប្រធានាធិបតី ដូណាល់ ត្រាំ បានបណ្ដេញអ្នកសារព័ត៌មាន មកពីស្ថាប័នធំៗចំនួន ៤ ដែលចូលយកព័ត៌មានក្នុងជំនួប ត្រាំ-គីម កាលពីថ្ងៃទី២៧ ខែកុម្ភៈ ឆ្នាំ២០១៩ នៅទីក្រុងហាណូយ ប្រទេសវៀតណាម។ ស្ថាប័នទាំង៤ រួមមាន៖ Reuters, Associated Press, Bloomberg និង Los Angeles Times ។

ការបណ្ដេញចេញនេះ គឺបន្ទាប់ពីអ្នកសារព័ត៌មាន ២នាក់ នៃស្ថាប័នទាំង៤ បានសួរសំណួរ អំឡុងការចាប់ផ្ដើមសន្ទនារវាងលោកប្រធានាធិបតី ដូណាល់ ត្រាំ ជាមួយមេដឹកនាំកូរ៉េខាងជើង គីម ជុងអ៊ុន ក្នុងអំឡុងពិធីទទួលទានអាហារពេលល្ងាច កាលពីថ្ងៃទី២៧កុម្ភៈ។

អ្នកសារព័ត៌មាន បានសួរជុំវិញបញ្ហាកិច្ចប្រជុំកំពូលនេះ និងបញ្ហាអតីតមេធាវីរបស់លោកត្រាំ ឈ្មោះ Michael Cohen ។

សារព័ត៌មាន Reuters បានបង្ហាញការព្រួយបារម្ភចំពោះការបណ្ដេញអ្នកសារព័ត៌មានរបស់ខ្លួន ព្រមទាំងអ្នកសារព័ត៌មានរបស់ស្ថាប័នដទៃទៀត។ ចំណែក សារព័ត៌មាន Associated Press បានធ្វើការប្រឆាំងនឹងសេតវិមាន ក្នុងការព្យាយាមរារាំងអ្នកកាសែតចូលយកព័ត៌មានពីប្រធានាធិបតី។ រីឯ សារព័ត៌មាន Los Angeles Times ហៅការបណ្ដេញនេះថា ជាឧទាហរណ៍ដ៏គួរឲ្យសោកសៅមួយទៀត ដែលកើតចេញពីបរាជ័យរបស់សេតវិមាន ក្នុងការគោរពសិទ្ធិសាធារណៈរបស់ជនជាតិអាមេរិក ដើម្បីទទួលបានព័ត៌មាននៃសកម្មភាពរបស់ប្រធានាធិបតីខ្លួន៕

អត្ថបទទាក់ទង ដូណាល់ ត្រាំ-គីម ជុងអ៊ុន និយាយគ្នាអ្វីខ្លះកាលពីយប់មិញ?

ប្រភព៖ Businessinsider ប្រែសម្រួល៖ លាភ.