អ្នកនាំពាក្យសេតវិមាន លោកស្រី Sarah Sanders បានអះអាងនៅមុនបន្តិចថា ជំនួប​រវាងលោក ដូណាល់ ត្រាំ ប្រធានាធិបតីសហរដ្ឋអាមេរិក និង​លោក គីម ជុងអ៊ុន មេដឹកនាំ​កូរ៉េខាងជើង​ នឹងត្រូវបញ្ចប់មុនកាលកំណត់ ២ម៉ោង ពោលគឺពិធី ចុះហត្ថលេខាលើកិច្ចព្រមព្រៀង និង​ពិធីទទួលទានអាហារថ្ងៃត្រង់ អាចនឹងត្រូវលុបចោល។ នេះបើយោង​តាមប្រភពសារព័ត៌មាន Japan Times និង USA Today ។

លោក ត្រាំ គ្រោងឡើងថ្លែងសន្ធិសីទសារព័ត៌មានទោល នៅម៉ោង២រសៀល។ ដើមឡើយ សន្និសីទនេះគ្រោងធ្វើឡើងនៅម៉ោង ៤រសៀល។

មុននេះ លោក ត្រាំ អះអាងថា កិច្ច​ពិភាក្សា​ជាមួយលោក គីម ទទួលបានផ្លែផ្កាល្អណាស់ ហើយ​លោកបាន​ប្រញាប់​ចំពោះ​ការ​លុបចោលកម្មវិធីនុយក្លេអ៊ែររបស់​កូរ៉េខាងជើងនោះទេ។ ចំណែក លោក​ គីម បញ្ជាក់ថា លោក​ពិតជាចង់លុបបំបាត់កម្មវិធីនុយក្លេអ៊ែរ «បើខ្ញុំមិនចង់ ខ្ញុំមិនមកទីនេះទេ»៕

អត្ថបទទាក់ទង

• ដូណាល់ ត្រាំ-គីម ជុងអ៊ុន និយាយ​គ្នា​អ្វីខ្លះ​កាលពី​យប់មិញ?

• ត្រាំ ដេញ​តំណាង​ស្ថាប័ន​សារ​ព័ត៌មាន​ធំ​ៗ​ ៤ ចេញ​ពី​ជំនួប​មួយ​ នៅ​ហាណូយ