អាមេរិក ប្រកាសផ្ដល់រង្វាន់ចំពោះការប្រាប់ពីទីតាំងលាក់ខ្លួនរបស់កូន អូសាម៉ា ប៊ីនឡាឌែន

2019-03-01 01:51:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហរដ្ឋអាមេរិក កាលពីថ្ងៃទី២៨ ខែកុម្ភៈ ឆ្នាំ២០១៩ បានប្រកាសផ្ដល់ប្រាក់រង្វាន់លើកទឹកចិត្តចំនួន ១លានដុល្លារអាមេរិក ចំពោះការផ្ដល់ព័ត៌មានទាក់ទងនឹងលោក ហាមហ្សា ប៊ីនឡាឌែន (Hamza bin Laden) បន្ទាប់ពី កូនប្រុសរបស់អតីតមេដឹកនាំ អូសាម៉ា ប៊ីនឡាឌែន រូបនេះ ត្រូវបានសង្ស័យថា បានក្លាយជាមេដឹកនាំរបស់បណ្ដាញក្រុមសកម្មប្រយុទ្ធអាល់កៃដា។

លោក ហាមហ្សា ប៊ីនឡាឌែន

លោក ហាមហ្សា ប៊ីនឡាឌែន ត្រូវបានសារព័ត៌មានរាយការណ៍ផ្សេងៗគ្នាថា កំពុងលាក់ខ្លួននៅក្នុងប្រទេសប៉ាគីស្ថាន អាហ្វហ្គានីស្ថាន ឬ ស្ថិតក្រោមការឃុំឃាំងនៅក្នុងប្រទេសអ៊ីរ៉ង់។

សូមជម្រាបថា កូនៗ និងភរិយាចំនួន៣នាក់ របស់អតីតមេដឹកនាំ អូសាម៉ា ប៊ីនឡាឌែន បានត្រឡប់ទៅរស់នៅប្រទេសអារ៉ាប៊ីសាអ៊ូឌីត ក្រោយមរណភាពរបស់អូសាម៉ា។

ហាមហ្សា ត្រូវបានរាយការណ៍ថា បានរៀបការជាមួយកូនស្រី របស់មេដឹកនាំអាល់កៃដាម្នាក់ដែលបានដឹកនាំការវាយប្រហារថ្ងៃទី១១ ខែកញ្ញា ឆ្នាំ២០១១ នៅសហរដ្ឋអាមេរិក ដែលសម្លាប់មនុស្សជាង ៣០០០នាក់៕