អាមេរិក បើករោងចក្រផលិតគ្រឿងបង្គំយន្តហោះ នៅវៀតណាម
- 2019-03-01 03:06:23
- ចំនួនមតិ 0 | ចំនួនចែករំលែក 0
អាមេរិក បើករោងចក្រផលិតគ្រឿងបង្គំយន្តហោះ នៅវៀតណាម
ចន្លោះមិនឃើញ
ក្រុមហ៊ុន Universal Alloy Corporation Asia Pte. LTD ដែលមានប្រភពពីសហរដ្ឋអាមេរិក នឹងបោះទុនវិនិយោគ ១៧០លានដុល្លារ ដើម្បីសាងសង់រោងចក្រផលិតគ្រឿងបង្គំយន្តហោះ នៅក្រុងដាណាង ប្រទេសវៀតណាម។
គណៈកម្មាធិការប្រជាជនក្រុងដាណាង បានប្រកាសកាលពីថ្ងៃទីពុធកន្លងទៅថា ខ្លួននឹងចេញអាជ្ញាបណ្ណវិនិយោគមួយ សម្រាប់ក្រុមហ៊ុនអាមេរិកខាងលើ ដើម្បីអនុវត្តគម្រោងសាងសង់រោងចក្រផលិតគ្រឿងបង្គំយន្តហោះ នៅភាគកណ្ដាលក្រុងដាណាង នៅថ្ងៃទី១ ខែមីនា ឆ្នាំ២០១៩។
យោងតាមក្រុមហ៊ុន Universal Alloy Corporation Asia Pte. LTD រោងចក្រនឹងផលិតគ្រឿងបង្គំយន្តហោះសម្រាប់នាំចេញ។ ក្រុមហ៊ុនដាក់គោលដៅនាំចេញឲ្យបាន ២៥លានដុល្លារអាមេរិកគិតត្រឹមឆ្នាំ២០២១, ៨៥លានដុល្លារត្រឹមឆ្នាំ២០២២ និង ១៨០លានដុល្លារត្រឹមឆ្នាំ២០២៦។
រោងចក្រនេះ នឹងផ្ដល់ការងារដល់ក្រុមវិស្វករដែលមានបទពិសោធជាង ១២០០នាក់ និងបុគ្គលិកជំនាញផ្សេងៗ ជាង ២០០០នាក់ទៀត៕
អត្ថបទទាក់ទង
វៀតណាម បើកដំណើរការរោងចក្រផលិតគ្រឿងបន្លាស់យន្តហោះជាលើកដំបូង
វៀតណាម ចុះហត្ថលេខា២០ពាន់លានដុល្លារ ទិញយន្តហោះ និងបច្ចេកវិទ្យាពីអាមេរិក