សម្តេច ហ៊ុន សែន ប្រកាសថា មិនបិទហ្វេសប៊ុកនោះទេ

2019-03-04 02:39:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ហ៊ុន សែន បានប្រកាសថា សម្តេចមិនបិទបណ្តាញសង្គមហ្វេសប៊ុក និងបណ្តាញសង្គមដ៏ទៃទៀតនោះទេ ដរាបណាសម្តេចនៅតែបន្តដឹកនាំប្រទេសជាតិ។ ការបញ្ជាក់នេះ ធ្វើឡើងក្នុងពិធីបើកការដ្ឋានសាងសង់សំណង់ផ្សេងៗ ក្នុងគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ ជំហានទី៤ នាព្រឹកថ្ងៃទី៤ ខែមីនា ឆ្នាំ២០១៩។

សម្តេច ហ៊ុន សែន ថ្លែងនាព្រឹកថ្ងៃទី៤មីនា ២០១៩

សម្តេចនាយករដ្ឋមន្រ្តី បានលើកឡើងថា សម្តេចមានបំណងជំរុញបច្ចេកវិទ្យា និងចង់ឱ្យប្រជាពលរដ្ឋចេះប្រើប្រាស់បណ្តាញសង្គមឱ្យបានត្រឹមត្រូវ។ ជាមួយគ្នានោះ សម្តេចក៏បានថ្កោលទោសចំពោះអ្នកដែលបាន Hack គណនីហ្វេសប៊ុក ដោយបង្ហោះថា សម្តេចព្រមានបិទហ្វេសប៊ុកនៅកម្ពុជាផងដែរ។

សូមរំលឹកថា កាលពីសប្តាហ៍មុន ទំព័រហ្វេសប៊ុករបស់សម្តេច ហ៊ុន សែន ត្រូវបានជនអនាមិកលួច Hack ហើយបានបង្ហោះយ៉ាងដូច្នេះថា៖ «ក្រុមហ៊ុន ហ្វេសហ៊ុក បានលុបនិងព្យាយាមបិទគណនីរបស់ខ្ញុំ។ តែខ្ញុំ ហ៊ុន សែន សូមប្រាប់ទៅវិញថា បើអ្នកឯងហ៊ានបិទហ្វេសប៊ុករបស់ខ្ញុំ ខ្ញុំនឹងបិទលែងឱ្យប្រើហ្វេសប៊ុកនៅស្រុកខ្មែរ»។ ប៉ុន្តែ១ម៉ោងក្រោយមក ទំព័រហ្វេសប៊ុកនេះ ត្រូវបានគ្រប់គ្រងវិញ ដោយសម្តេចបានអរគុណដល់ក្រុមហ៊ុនហ្វេសប៊ុកចំពោះកិច្ចសហការនេះ៕

អត្ថបទទាក់ទង៖ សម្តេច ហ៊ុន សែន អរគុណក្រុមហ៊ុនហ្វេសប៊ុក ដែលជួយឱ្យគ្រប់គ្រងគណនីបានមកវិញ

អត្ថបទ៖ សំភី