កូរ៉េខាងជើង ជំពាក់បំណុលប្រទេសណាច្រើនជាងគេ?

2019-03-04 02:53:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមទីភ្នាក់ងារឥណទាននាំចេញស៊ុយអែត បានបង្ហាញថា បំណុលរបស់កូរ៉េខាងជើង ចំពោះប្រទេសស៊ុយអែត បានកើនដល់ ៣០២ លានដុល្លារអាមេរិក ដែលជាតួលេខច្រើនបំផុតមិនធ្លាប់មាន។ តួលេខនេះ ធ្វើឲ្យស៊ុយអែត ជាមេបំណុលធំទីមួយ របស់កូរ៉េខាងជើង។

តាមរបាយការណ៍របស់ទីភ្នាក់ងារឥណទាននាំចេញនៃស៊ុយអែត បំណុលទាំងនេះ កើតចេញពីរថយន្តម៉ាក Volvos ចំនួន ១៤៤គ្រឿង និងឧបករណ៍រុករករ៉ែ ដែលកូរ៉េខាងជើង ជំពាក់ក្រុមហ៊ុន Atlas Copco និងក្រុមហ៊ុនមួយចំនួនទៀតរបស់ស៊ុយអែត។ រថយន្ត និងឧបករណ៍ទាំងនេះ បានបញ្ជូនទៅឲ្យកូរ៉េខាងជើង កាលពីទសវត្សរ៍ ១៩៧០ ។

រថយន្តម៉ាក Volvos

ទីភ្នាក់ងារខាងលើបន្តថា ក្រោយ ៤៥ឆ្នាំនៃកាលកំណត់ ការប្រាក់នៃបំណុលកូរ៉េខាងជើងចំពោះស៊ុយអែត បានកើនឡើង ប្រមាណ ៦៥លានដុល្លារអាមេរិក ពោលគឺ ១៥លានដុល្លារអាមេរិក ក្នុងមួយឆ្នាំ។

លោក Stefan Karlsson អ្នកវិភាគពីទីភ្នាក់ងារឥណទាននាំចេញនៃស៊ុយអែតឲ្យដឹងដែរថា កូរ៉េខាងជើង បានសងបំណុលទៅឲ្យស៊ុយអែតលើកចុងក្រោយ កាលពីចុងទសវត្សរ៍ ១៩៨០ ៕

ប្រភព៖ RT ប្រែសម្រួល៖ លាភ.