ដូណាល់ ត្រាំ ថាការលុបចោលសមយុទ្ធជាមួយកូរ៉េខាងត្បូង មិនពាក់ព័ន្ធនឹង គីម ជុងអ៊ុនទេ
- 2019-03-05 02:19:17
- ចំនួនមតិ 0 | ចំនួនចែករំលែក 0
ដូណាល់ ត្រាំ ថាការលុបចោលសមយុទ្ធជាមួយកូរ៉េខាងត្បូង មិនពាក់ព័ន្ធនឹង គីម ជុងអ៊ុនទេ
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បានច្រានចោលនូវការលើកឡើងថា ការលុបចោលសមយុទ្ធយោធារវាងអាមេរិក និងកូរ៉េខាងត្បូង គឺជាការធ្វើសម្បទានឱ្យមេដឹកនាំកូរ៉េខាងជើង លោក គីម ជុងអ៊ុន។
កាលពីថ្ងៃទី២មីនា មន្ទីរបញ្ចកោណអាមេរិក បានប្រកាសជាផ្លូវការថា ខ្លួនបានលុបចោលសមយុទ្ធប្រចាំឆ្នាំមួយជាមួយកូរ៉េខាងត្បូង ដែលសមយុទ្ធនេះត្រូវបានហៅថា «Foal Eagle and Key Resolve»។ ក្នុងសេចក្តីប្រកាសនោះ បានបញ្ជាក់ថា ការលុបចោលសមយុទ្ធនេះ គឺដើម្បីខិតខំបង្កើតទំនាក់ទំនងជាមួយកូរ៉េខាងជើង និងឱ្យប្រទេសនេះ បោះបង់នុយក្លេអ៊ែរ។
ជារឿយៗ ការធ្វើសមយុទ្ធយោធារវាងអាមេរិក និងកូរ៉េខាងត្បូង តែងតែត្រូវបានកូរ៉េខាងជើងចាត់ទុកថា ជាការហ្វឹកហាត់ដើម្បីត្រៀមឈ្លានពានខ្លួន៕