យន្តហោះចម្បាំងឥណ្ឌា បាញ់ទម្លាក់ដ្រូនរបស់ប៉ាគីស្ថាន

2019-03-05 02:22:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យន្តហោះចម្បាំងកងទ័ពអាកាសប្រទេសឥណ្ឌា ប្រភេទ Sukhoi-30 ដែលផលិតនៅរុស្ស៊ី បានបាញ់ទម្លាក់យន្តហោះដ្រូនរបស់ប្រទេសប៉ាគីស្ថាន ដែលបានហោះចូលដែនអាកាសឥណ្ឌា នៅរដ្ឋ Rajasthan កាលពីថ្ងៃទី៤ ខែមីនា ឆ្នាំ២០១៩។

យន្តហោះរបស់កងទ័ពឥណ្ឌា បានប្រើប្រាស់មីស៊ីលប្រភេទ Air-to-air ដើម្បីបាញ់ទៅលើដ្រូនប៉ាគីស្ថាន។ នេះជាលើកទី២ ដែលប៉ាគីស្ថានបានព្យាយាមបង្ហោះដ្រូនចូលក្នុងដែនអាកាសឥណ្ឌា ក្នុងរយៈពេលត្រឹមតែ ៦ថ្ងៃប៉ុណ្ណោះ ក្រោយពីឥណ្ឌាបានបាញ់ទម្លាក់ដ្រូនរបស់ខ្លួន ១គ្រឿងរួចមកហើយ កាលពីថ្ងៃទី២៧ ខែកុម្ភៈ ឆ្នាំ២០១៩។

គួរជម្រាបថា ការបាញ់ទម្លាក់ដ្រូនរបស់ប៉ាគីស្ថាននេះ ក្រោយពីរដ្ឋាភិបាលប៉ាគីស្ថាន បានដោះលែង និងប្រគល់ខ្លួន ពីឡុតបើកយន្តហោះចម្បាំងឥណ្ឌា ១គ្រឿងក្នុងចំណោម ២គ្រឿង ដែលត្រូវបានបាញ់ទម្លាក់ក្នុងដែនអាកាសប៉ាគីស្ថាន កាលពីសប្ដាហ៍មុន។ ការដោះលែងនេះ ត្រូវបានលោកនាយករដ្ឋមន្ត្រីប៉ាគីស្ថានចាត់ទុកជា កាយវិការសន្តិភាពមួយ ដើម្បីបន្ធូរបន្ថយភាពតានតឹងដែលកំពុងកើតមានរវាងប្រទេសទាំងពីរ៕

អត្ថបទទាក់ទង

ប្រភព៖ Channelnewsasia ប្រែសម្រួល៖ លាភ.