Facebook ចាត់វិធានការលើក្រុមហ៊ុន លក់ Like

2019-03-05 04:22:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Facebook និង Instagram បានប្តឹងក្រុមហ៊ុនចំនួន ៤ និងបុគ្គល ៣ រូបនៅប្រទេសចិនជុំវិញការបង្កើត និងផ្សព្វផ្សាយការលក់គណនី, Like និង Follower ក្លែងក្លាយលើបណ្តាញសង្គមរបស់ខ្លួន។

តាមរយៈពាក្យបណ្តឹងដែលបានដាក់ជូនតុលាការសហរដ្ឋអាមេរិក Facebook បានចោទប្រកាន់ក្រុមហ៊ុន និងបុគ្គលខាងលើ ពីបទរំលោភបំពានច្បាប់កម្មសិទ្ធិបញ្ញា ដោយប្រើប្រាស់ស្លាកយីហោនិងម៉ាករបស់ Facebook/Instagram។ នាយកជាន់ខ្ពស់លោក Paul Grewal មានប្រសាសន៍ថា៖ «តាមរយៈការដាក់ពាក្យបណ្តឹង យើងសង្ឃឹមថា នឹងមានការពង្រឹងលើសកម្មភាពក្លែងបន្លំបែបនេះ ជាមួយកិច្ចការពារនូវវេទិកា (Platform) របស់យើង»។

Facebook ពុំបង្ហើបអត្តសញ្ញាណនៃក្រុមហ៊ុននិងបុគ្គលដែលខ្លួនប្ដឹងផ្ដល់ឡើយ ប៉ុន្តែត្រឹមដឹងថា ពួកគេកន្លងមក ក៏ធ្លាប់ផ្សព្វផ្សាយការប្រើប្រាស់គណនីក្លែងក្លាយលើ Amazon, Apple, Google, LinkedIn និង Twitter ផងដែរ។

រំឭកថា គ្រប់បណ្តាញសង្គមចាប់ផ្តើមរងសម្ពាធយ៉ាងក្តៅគគុក ចាប់តាំងពីការបោះឆ្នោតជ្រើសរើសប្រធានាធិបតីអាមេរិក កាលពីឆ្នាំ ២០១៦ ក្នុងគោលបំណងបង្កើននូវការចែកចាយព័ត៌មានមិនពិតនិងគ្មានប្រភពច្បាស់លាស់៕

ប្រភព៖ Cnet ប្រែសម្រួល៖ កៅ រក្សា