ចិន នឹងចំណាយថវិកាយោធាដល់ជិត ១៨០ពាន់លានដុល្លារ ក្នុងឆ្នាំ២០១៩

2019-03-05 08:27:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការចំណាយថវិកាយោធារបស់ប្រទេសចិនក្នុងឆ្នាំ២០១៩ នឹងកើនឡើងត្រឹម ៧,៥% ស្មើនឹងប្រមាណ ១៧៧,៦ពាន់លានដុល្លារ។ នេះបើយោងតាមសេចក្តីព្រាងថវិការបស់ចិន ដែលបង្ហាញនៅក្នុងកិច្ចប្រជុំសភា នាថ្ងៃទី៥ ខែមីនា ឆ្នាំ២០១៩នេះ។

ការបង្កើនថវិកាយោធាត្រឹមកម្រិតនេះ ធ្វើឡើងខណៈដែលចិន កំណត់គោលដៅកំណើនសេដ្ឋកិច្ចក្នុងឆ្នាំ២០១៩នេះ ពី ៦ ទៅ ៦,៥%។

នាយករដ្ឋមន្រ្តីចិន លោក លី ខឺឈាង បានថ្លែងក្នុងកិច្ចប្រជុំសភានេះថា ចិននឹងអនុវត្តយុទ្ធសាស្រ្តយោធាសម្រាប់យុគសម័យថ្មី ពង្រឹងការហ្វឹកហាត់យោធាក្រោមលក្ខខណ្ឌប្រយុទ្ធ និងការប្តេជ្ញាការការពារអធិបតេយ្យភាព សន្តិសុខ និងផលប្រយោជន៍របស់ចិន។ ចិនក៏នឹងបង្កើតភាពច្នៃប្រឌិតនៅក្នុងវិទ្យាសាស្រ្ត និងបច្ចេកវិទ្យាយោធាផងដែរ។

អ្នកនាំពាក្យរដ្ឋាភិបាលចិន បានបញ្ជាក់ថា ចិននឹងនៅតែបន្តបង្កើនការចំណាយយោធាក្នុងកម្រិតសមរម្យ សម្រាប់សេចក្តីត្រូវការក្នុងការការពារសន្តិសុខ និងកំណែទម្រង់យោធា។

កាលពីឆ្នាំ២០១៨ ចិនបានបង្កើនការចំណាយយោធាដល់ទៅ ៨,១% និងឆ្នាំ២០១៧ ចំនួនតែ ៧% ដែលជាកំណើនទាបជាងគេបំផុត ក្នុងរយៈពេល ៧ឆ្នាំចុងក្រោយនេះ៕

ប្រភព៖ Reuters ប្រែសម្រួល៖ សំភី