វៀតណាមនាំចេញអង្ករ ធ្លាក់ចុះ នៅ២ខែដើមឆ្នាំ២០១៩
- 2019-03-05 09:07:40
- ចំនួនមតិ 0 | ចំនួនចែករំលែក 0
វៀតណាមនាំចេញអង្ករ ធ្លាក់ចុះ នៅ២ខែដើមឆ្នាំ២០១៩
ចន្លោះមិនឃើញ
ក្នុងរយៈពេល ២ខែ ដើមឆ្នាំ២០១៩នេះ ការនាំចេញអង្កររបស់ប្រទេសវៀតណាម បានធ្លាក់ចុះជិត ៥ភាគរយ មកត្រឹមជិត ៧៩ម៉ឺនតោន ស្មើនឹង ៣៥៥លានដុល្លារអាមេរិក បើធៀបទៅនឹងរយៈពេលដូចគ្នា កាលពីឆ្នាំ២០១៨។ នេះបើយោងតាមសេចក្ដីប្រកាសរបស់ក្រសួងឧស្សាហកម្ម និងពាណិជ្ជកម្មវៀតណាម។
ប្រភពបន្តថា ចិន ដែលជាទីផ្សារអង្ករធំទីមួយរបស់វៀតណាម បានកាត់បន្ថយការនាំចូលអង្ករពីវៀតណាម។ ចំណែក តម្លៃបានធ្លាក់ចុះយ៉ាងខ្លាំង ដោយមួយគីឡូក្រាម តម្លៃ ៤៣០០ ទៅ ៥០០០ ដុង (០,១៩ ទៅ ០,២២ ដុល្លារអាមេរិក) ធ្វើឲ្យប៉ះពាល់ដល់អ្នកនាំចេញនៅវៀតណាម។
ក្រសួងឧស្សាហកម្ម និងពាណិជ្ជកម្មវៀតណាម បញ្ជាក់ថា ប្រទេសនាំចូលអង្ករ បានងាកទៅរកប្រភពអង្ករផ្សេងៗ ដែលធ្វើឲ្យតម្លៃត្រូវបានបន្ទាបដូច្នេះ។
គួរបញ្ជាក់ថា កាលពីឆ្នាំ២០១៨ វៀតណាមនាំអង្ករចេញ ៦,១លានតោន ស្មើនឹង ៣,០៨ ពាន់លានដុល្លារអាមេរិក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
