លោក ត្រាំ ហក់ឡើង៥១លេខ ក្នុងបញ្ជីមហាសេដ្ឋីពិភពលោក

2019-03-06 02:53:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ដូណាល់ ត្រាំ ប្រធានាធិបតីអាមេរិក បានហក់ឡើងចំនួន ៥១លេខ ក្នុងបញ្ជីមហាសេដ្ឋីពិភពលោក ដោយឡើងពីចំណាត់ថ្នាក់លេខ ៧៦៦ មក ៧១៥ ដោយមានទ្រព្យសម្បត្តិចំនួន ៣,១ ពាន់លានដុល្លារអាមេរិក។ នេះបើយោងតាមរបាយការណ៍ចុងក្រោយ របស់ Forbes ប្រចាំឆ្នាំ២០១៩។

លោក ដូណាល់ ត្រាំ ប្រធានាធិបតីអាមេរិក

Forbes បានឲ្យដឹងថា លោក ត្រាំ បានលក់អចលនទ្រព្យបានប្រមាណ ៣៥លានដុល្លារអាមេរិក ក្នុងឆ្នាំ២០១៨ ក្នុងជំនួញរបស់លោក។ ក្នុងដើមឆ្នាំ២០១៩នេះ លោកបានលក់ខុនដូ ១កន្លែង នៅ Manhattan តម្លៃ ២,១៥លានដុល្លារអាមេរិក។

ប្រភពបន្តថា លោក ត្រាំ មិនមែនជាមន្ត្រី ដែលមានជាងគេនៅសហរដ្ឋអាមេរិកឡើយ។ លោក JB Pritzker អភិបាលរដ្ឋ Illinois មានទ្រព្យសម្បត្តិ ៣,២ពាន់លានដុល្លារអាមេរិក។ យ៉ាងណាក៏ដោយ លោកប្រធានាធិបតីអាមេរិក នៅតែជាអ្នកនយោបាយដែលមានទ្រព្យសម្បត្តិច្រើនជាងគេ នៅរដ្ឋវ៉ាស៊ីនតោន។

បើតាម Forbes មហាសេដ្ឋីលេខ១លើពិភពលោក គឺលោក Jeff Bezos ទ្រព្យសម្បត្តិ ១៣១ ពាន់លានដុល្លារអាមេរិក។ លេខ២ គឺលោក Bill Gates ទ្រព្យសម្បត្តិ ៩៦,៥ ពាន់លានដុល្លារ និងលេខ៣ គឺលោក Warren Buffett ទ្រព្យសម្បត្តិ ៨២,៥ ពាន់លានដុល្លារ៕