រន្ទះបាញ់ សម្លាប់អ្នកគាំទ្របាល់ទាត់ ក្នុងទីលាននៅម៉ាឡេស៊ី
- 2019-03-11 09:02:57
- ចំនួនមតិ 0 | ចំនួនចែករំលែក 0
រន្ទះបាញ់ សម្លាប់អ្នកគាំទ្របាល់ទាត់ ក្នុងទីលាននៅម៉ាឡេស៊ី
ចន្លោះមិនឃើញ
អ្នកគាំទ្របាល់ទាត់សញ្ជាតិមីយ៉ាន់ម៉ាម្នាក់ ត្រូវបានរន្ទះបាញ់ស្លាប់ នៅក្នុងទីលានបាល់ទាត់ Setia Alam Badmington Academy ប្រទេសម៉ាឡេស៊ី កាលពីថ្ងៃទី១០ ខែមីនា ឆ្នាំ២០១៩។ នេះបើយោងតាមការចុះផ្សាយរបស់សារព័ត៌មាន New Straits Times ។
យុវជនដែលត្រូវរន្ទះបាញ់ស្លាប់ មានឈ្មោះ Rohimullah អាយុ ១៩ឆ្នាំ។ ហេតុការណ៍រន្ទះបាញ់ បានកើតឡើងនៅម៉ោងប្រហែល ៥ល្ងាច ម៉ោងនៅម៉ាឡេស៊ី។ មូលហេតុ ត្រូវបានរាយការណ៍ថា ដោយសារយុវជនរូបនេះ បានចុចទូរសព្ទ។
ជនរងគ្រោះ ជាអ្នកគាំទ្ររបស់ក្លឹប Rohingya Klang FC ដែលគ្រោងធ្វើការប្រកួតមិត្តភាពទល់នឹងក្លឹប Super Nova FC ។
សេចក្ដីរាយការណ៍ឲ្យដឹងដែរថា អ្នកទស្សនាម្នាក់ទៀតក្នុងចំណោមជនរងគ្រោះ ៥នាក់ដែលមិនស្គាល់អត្តសណ្ញាណ បានទទួលឥទ្ធិពលពីរន្ទះបាញ់ខាងលើ បណ្ដាលឲ្យរបួសធ្ងន់ តែមិនមានគ្រោះថ្នាក់ដល់អាយុជីវិតឡើយ។
ដោយឡែកលោក Zainizam Zambri អាជ្ញាកណ្ដាលកាត់សេចក្ដីលើទីលាន បានឲ្យដឹងថា ការប្រកួតត្រូវបានលុបចោល ៣០នាទីមុនកាលកំណត់ ដោយសារផ្គររន្ទះ៕
រូបថត៖ New Straits Times
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
