ផ្លូវជាតិលេខ៥ ពីបាត់ដំបង-សិរីសោភ័ណ ដែលត្រូវពង្រីកដល់ ៤គន្លង សម្រេចបាន ៥២%ហើយ

2019-03-12 06:36:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងសាធារណការ និងដឹកជញ្ជូន បានបញ្ជាក់នៅថ្ងៃ១២ ខែមីនា ឆ្នាំ២០១៩នេះថា គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ ពី បាត់ដំបង-សិរីសោភ័ណ សម្រេចបាន ៥២%ហើយ គិតត្រឹមខែកុម្ភៈ ឆ្នាំ២០១៩។

សូមជម្រាបថា កំណាត់ផ្លូវជាតិលេខ៥នេះ មានប្រវែងសរុបជិត ៨៥គីឡូម៉ែត្រ គិតចាប់ពីគីឡូម៉ែត្រលេខ ២៨២+០០០ ទៅគីឡូម៉ែត្រលេខ ៣៦៧+៨០៤ ជាប្រភេទផ្លូវចាក់បេតុងកៅស៊ូ (AC)។

ផ្លូវនេះ មានកម្រាស់ ១៥ ស.ម ដែលមានទទឹង ២៣ ម និងមាន ៤គន្លង ខណ្ឌដោយសួនទ្រូងផ្លូវទទឹង ៣ ម សម្រាប់យានយន្តគ្រប់ប្រភេទធ្វើចរាចរណ៍។ គម្រោងសាងសង់នេះប្រើរយៈពេល ៣៦ខែ ដោយចាប់ផ្ដើមសាងសង់ពីខែកុម្ភៈ ឆ្នាំ២០១៧ និងគ្រោងបញ្ចប់នៅខែមីនា ឆ្នាំ២០២០ គ្រោងនឹងចំណាយទឹកប្រាក់សរុប១៩៩៨៨ លានយេនជប៉ុន ស្មើនឹង ១៨៥ លានដុល្លារអាមេរិក។

ការធ្វើឱ្យប្រសើរឡើងវិញនូវកំណាត់ផ្លូវជាតិលេខ៥នេះ ធ្វើឡើងក្រោមគម្រោងឥណទានជំនួយឥតសំណងរបស់រាជរដ្ឋាភិបាលជប៉ុន សាងសង់ដោយក្រុមហ៊ុន Tekken Taiyu Joint Venture និងក្រុមហ៊ុន Daiho Asanuma Joint Venture និងត្រូវបានត្រួតពិនិត្យបច្ចេកទេសដោយក្រុមហ៊ុន Katahira & Engineers International៕