Ronaldo ផ្ញើពាក្យមួយឃ្លាទៅកាន់អ្នកគាំទ្រ Juventus មុនប៉ះ AT Madrid រាត្រីនេះ

2019-03-12 09:00:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Juventus ត្រៀមវាយបកក្រុមអេស្ប៉ាញ Atletico Madrid នាម៉ោង ៣ទៀបភ្លឺរាត្រីនេះ ក្នុងជើងទី២ នៃវគ្គ ១៦ក្រុមចុងក្រោយ UEFA Champions League ក្រោយចាញ់ ២-០ កាលពីជើងទី១។

Ronaldo ហ្វឹកហាត់ជាមួយមិត្តរួមក្រុម មុនប្រកួតរាត្រីនេះ (រូបភាពផ្ដល់សិទ្ធិដោយ Reuters)

មុនការប្រកួតមកដល់ Cristiano Ronaldo ដែលជាកីឡាករសំខាន់បំផុតរបស់ក្រុមជើងឯកអ៊ីតាលី បានផ្ញើពាក្យមួយឃ្លា ទៅកាន់អ្នកគាំទ្រថា៖ **"សូមអ្នកគាំទ្រទាំងអស់ គិតជាវិជ្ជមាន និងបន្តភាពជឿជាក់"។**

កីឡាករព័រទុយហ្គាល់ ដែលធ្លាប់លើកពាន UCL ដល់ទៅ ៥ដងរូបនេះ បានបន្ថែមថា៖ "យើងមិនគិតថាយើងចាញ់ ២-០ កាលពីជើងទី១ នោះទេ ប៉ុន្តែអ្វីក៏អាចកើតឡើងបានដែរក្នុងការប្រកួតបាល់ទាត់ ហើយយើងនឹងឆ្លើយតបវិញ នៅក្នុងផ្ទះរបស់យើង នៅមុខអ្នកគាំទ្របស់យើង។ វាជារាត្រីដ៏អស្ចារ្យមួយ គឺរាត្រី Champions League។ ក្រុមទាំងមូល ក៏ដូចជារូបខ្ញុំ មានជំនឿចិត្តថាយើងនឹងអាចធ្វើបាន"។

សូមបញ្ជាក់ថា កាលពីជើងទី១ នៅទឹកដីអេស្ប៉ាញ ក្រុម Juventus មិនអាចទម្លុះតំបន់ការពារ និងសំណាញ់ទីរបស់ AT Madrid នោះទេ។ ប្រវត្តិជួបគ្នាលើទឹកដី Juventus កាលពីឆ្នាំ ២០១៤ គឺក្រុមទាំង២ ស្មើគ្នា ០-០។ តើជួបគ្នាលើកនេះ លទ្ធផលយ៉ាងណាដែរ?