អង្គការជប៉ុនមួយ ផ្ដល់ ១០ម៉ឺនដុល្លារ ដើម្បីគាំទ្រការបោសសម្អាតមីន នៅកម្ពុជា
- 2019-03-13 02:27:01
- ចំនួនមតិ 0 | ចំនួនចែករំលែក 0
អង្គការជប៉ុនមួយ ផ្ដល់ ១០ម៉ឺនដុល្លារ ដើម្បីគាំទ្រការបោសសម្អាតមីន នៅកម្ពុជា
ចន្លោះមិនឃើញ
អង្គការ the Good Earth of Japan បានសម្រេចផ្ដល់ថវិកាប្រមាណជាង ១០ម៉ឺនដុល្លារអាមេរិកសម្រាប់ ២០១៩នេះ ដើម្បីគាំទ្រជួយដល់ការអភិវឌ្ឍតំបន់នៃការបោសសម្អាតមីនរួចនិងជាពិសេសដល់សហគមន៍រងការគំរាមកំហែងដោយសារគ្រាប់មីន។ នេះបើយោងតាមការបញ្ជាក់ពីលោក ហេង រតនា អគ្គនាយកមជ្ឈមណ្ឌលកម្ចាត់មីនកម្ពុជា កាលពីថ្ងៃទី១២ ខែមីនា ឆ្នាំ២០១៩។
លោក ហេង រតនា ឲ្យដឹងថា ជំនួយនេះត្រូវជីកស្រះទឹកចំនួន៥ (មានទំហំ ៣០ម គុណនឹង ៤០ម ជម្រៅ ៤ម) ធ្វើផ្លូវក្រាលគ្រួសក្រហមមួយខ្សែប្រវែងជាង ៥គ.ម និងជួយដល់ការបង្កើតមុខរបរសម្រាប់ជនពិការដោយសារមីនមួយចំនួនផងដែរ។ គម្រោងនេះ ត្រូវអនុវត្តនៅស្រុកបរវេល និងស្រុករតន:មណ្ឌល ខេត្តបាត់ដំបង។
សូមបញ្ជាក់ថា ស្រះទឹកទាំង៥ នឹងចាប់ផ្តើមជីក ក្នុងពេលឆាប់ៗនេះ។ គិតមកដល់ពេលនេះ អង្គការ the Good of Japan បានជួយគាំទ្រជីកស្រះខ្នាត៣០ម គុណនឹង ៤០ម ជម្រៅ ៤ម និងខ្នាត ៤០ម គុណនឹង ៦០ម ជម្រៅ ៤ម សរុបបានចំនួន ៣២ស្រះមកហើយ។ ទន្ទឹងនឹងនេះ ក៏បានជួយជីកអណ្តូងរៀបប្រព័ន្ធទឹកស្អាត សាលារៀន និងផ្ទះគ្រូមួយចំនួនផងដែរ៕