ឆ្នាំ២០១៨ ខេត្តព្រះសីហនុ មានគម្រោងអគារចាប់ពី ៥-៤០ជាន់ រហូតដល់ ៥៨គម្រោង
- 2019-03-13 04:18:58
- ចំនួនមតិ 0 | ចំនួនចែករំលែក 0
ឆ្នាំ២០១៨ ខេត្តព្រះសីហនុ មានគម្រោងអគារចាប់ពី ៥-៤០ជាន់ រហូតដល់ ៥៨គម្រោង
ចន្លោះមិនឃើញ
យោងតាមអត្ថបទរបស់រដ្ឋបាលខេត្តព្រះសីហនុ ដកស្រង់សម្ដីមន្ត្រីខ្ពស់របស់ខេត្តមួយរូប ដែលចុះផ្សាយកាលពីថ្ងៃទី១២ ខែមីនា ឆ្នាំ២០១៩ បានឲ្យដឹងថា កាលពីឆ្នាំ២០០៥-២០១៥ ខេត្តនេះមានគម្រោងអគារខ្ពស់ៗចាប់ពី ៥ជាន់ រហូតដល់ ៣៥ជាន់ មានតែ ៤៦គម្រោងប៉ុណ្ណោះ ខណៈឆ្នាំ២០១៨តែឯង មានគម្រោងអគារធំ និងកម្ពស់ចាប់ពី ៥ជាន់ដល់ ៤០ជាន់ រហូតដល់ ៥៨គម្រោង។
រដ្ឋបាលខេត្តព្រះសីហនុបន្តថា នាអំឡុងពេលប៉ុន្មានឆ្នាំចុងក្រោយនេះ ទីក្រុងព្រះសីហនុ កំពុងមានសកម្មភាពសាងសង់សំណង់តូចធំយ៉ាងច្រើន ដែលតួលេខគម្រោងសំណង់ធំលើសពី ៣០០០ម៉ែត្រការ៉េឡើង មានចំនួន ៧០គម្រោង ក្នុងចំនួនជាង ៣០០គម្រោង កំពុងដំណើរការសាងសង់យ៉ាងសកម្ម។ ក្នុងនោះក៏មានសំណង់អគារខ្ពស់ជាងគេកម្ពស់ ៤០ជាន់ មានចំនួនច្រើនគម្រោង កំពុងរីកលូតលាស់គួរឲ្យចាប់អារម្មណ៍ផងដែរ។
សូមបញ្ជាក់ថា រាប់ចាប់ពីចុងទសវត្សរ៍ឆ្នាំ១៩៧០ ថយទៅក្រោយ សំណង់ធំខ្ពស់បំផុតនៅតំបន់ឆ្នេរសមុទ្រ (វៀតណាម, កម្ពុជា, ថៃ) គឺមានតែសណ្ឋាគារឯករាជ្យ នៅខេត្តព្រះសីហនុប៉ុណ្ណោះ ដែលត្រូវបានគេទទួលស្គាល់ជាអន្តរជាតិ ថាជាសំណង់ធំស្កឹមស្កៃ និងខ្ពស់ ដាច់គេនៅក្នុងតំបន់៕