លោក ដូណាល់ ត្រាំ បញ្ជាឲ្យផ្អាកប្រតិបត្តិការយន្តហោះ 737 Max នៅអាមេរិកហើយ

2019-03-14 02:17:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកប្រធានាធិបតី ដូណាល់ ត្រាំ បានបញ្ជាឲ្យផ្អាករាល់ការហោះហើររបស់យន្តហោះ Boeing 737 Max ដើម្បីការពារសុវត្ថិភាពរបស់អ្នកដំណើរ ជាពិសេសប្រជាជនអាមេរិក ស្របពេលដែលបណ្ដាប្រទេសនានានៅជុំវិញពិភពលោក បានផ្អាកប្រតិបត្តិការ 737 Max ក្រោយយន្តហោះរបស់អាកាសចរណ៍អេត្យូពី ប្រភេទដូចគ្នានេះ បានធ្លាក់ កាលពីសប្ដាហ៍មុន។

លោក ត្រាំ បានប្រាប់ក្រុមអ្នកសារព័ត៌មាននៅសេតវិមានថា៖ «ពួកយើងនឹងចេញបទបញ្ជាបន្ទាន់មួយ ដើម្បីផ្អាកប្រតិបត្តិការជើងហោះហើរដែលប្រើប្រាស់យន្តហោះប្រភេទ 737 Max 8 និង 737 Max 9 »។

ជុំវិញបញ្ហានេះ រដ្ឋបាលអាកាសចរណ៍ស៊ីវិលអាមេរិក បានអះអាងថា ការសម្រេចចិត្តដូច្នេះ ពឹងផ្អែកលើភស្តុតាងថ្មីមួយ ដែលប្រមូលបានពីទីតាំងកើតហេតុ របស់ជើងហោះហើរ ET302 នៃអាកាសចរណ៍អេត្យូពី ដែលធ្លាក់នៅជិតក្រុង Addis Ababa ព្រមទាំងទិន្នន័យពីផ្កាយរណបថ្មីៗនេះ។

ប្រធានក្រុមហ៊ុន Boeing លោក Dennis Muilenburg ក៏បានបង្ហាញជំហរបស់ខ្លួន ក្នុងគាំទ្រការសម្រេចចិត្តរបស់រដ្ឋបាលលោក ដូណាល់ ត្រាំ ក៏ប៉ុន្តែលោកនៅតែហ៊ានធានាសុវត្ថិភាពរបស់ប្រភេទយន្តហោះ 737 Max ៕