សម្តេច ហ៊ុន សែន ហាមមិនឱ្យអភិបាលខណ្ឌ ចូលរួមពិធីចែកសញ្ញាបត្រទៀតឡើយ

2019-03-18 02:11:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានប្រកាសហាមមិនឱ្យបណ្តាអភិបាលខណ្ឌក្នុងរាជធានីភ្នំពេញ ចូលរួមពិធីចែកសញ្ញាបត្រទៀតឡើយ ដោយសម្តេចថា ពិធីនេះគ្មានការពាក់ព័ន្ធជាមួយនឹងអភិបាលខណ្ឌ ហើយតួនាទីនេះ គឺមានកិច្ចការជាច្រើនដែលត្រូវធ្វើ។ ការថ្លែងនេះ ធ្វើឡើងនៅក្នុងពិធីប្រគល់សញ្ញាបត្រ ជូនដល់និស្សិត នៃវិទ្យាស្ថានខ្មែរជំនាន់ថ្មីចំនួន ១៧០៩នាក់ នាព្រឹកថ្ងៃទី១៨ ខែមីនា ឆ្នាំ២០១៩ នៅវិទ្យាស្ថានជាតិអប់រំ។

សម្តេច ហ៊ុន សែន ថ្លែងនាពេលកន្លងមក

ការប្រកាសខាងលើនេះ គឺខណៈដែលនៅថ្ងៃនេះ មានការធ្វើសន្និបាតបូកសរុបការងារនៅសាលារាជធានីភ្នំពេញ ប៉ុន្តែបែរជាអភិបាលខណ្ឌ មិនទៅចូលរួម ហើយមកក្នុងកម្មវិធីចែកសញ្ញាបត្រនេះទៅវិញ ដោយសម្តេចបានចោទសួរថា «**ហេតុអី មិនទៅចូលរួមសន្និបាត**?»

ប្រមុខរាជរដ្ឋាភិបាលបានបញ្ជាក់យ៉ាងដូច្នេះថា៖ «ចែកសញ្ញាបត្រ មិនបាច់អស់លោកទេ ចាំដល់តែពេលខ្ញុំចុះទៅខណ្ឌអស់លោក អស់លោកមានមុខទៅ។ ប៉ុន្តែនៅពេលខ្ញុំចែកសញ្ញាបត្រ មិនមែនតួនាទីអស់លោក មកអង្គុយស្តាប់ទេ អស់លោកមានការងារច្រើន ទៅធ្វើនៅខាងក្រៅ មើលប្រជាពលរដ្ឋ ដោះស្រាយបញ្ហាប្រជាពលរដ្ឋ»៕

អត្ថបទ៖ សំភី