លោក រៀល ខេមរិន្ទ្រ ទទួលសិទ្ធិធ្វើនយោបាយបានវិញហើយ

2019-03-18 07:30:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក រៀល ខេមរិន្ទ្រ អតីតតំណាងរាស្ត្រនៃអតីតគណបក្សសង្គ្រោះជាតិ ត្រូវបានប្រមុខរដ្ឋស្តីទីត្រាស់បង្គាប់ផ្តល់នីតិសម្បទាឡើងវិញ ដើម្បីមានសិទ្ធិធ្វើសកម្មភាពនយោបាយ។ នេះបើយោងតាមព្រះរាជក្រឹត្យចុះថ្ងៃទី១៨ ខែមីនា ឆ្នាំ២០១៩ ដែលចុះហត្ថលេខាដោយសម្តេចវិបុលសេនាភក្តី សាយ ឈុំ ប្រមុខរដ្ឋស្តីទី។

រូបថត៖ វិបសាយ RFI Khmer

លោក រៀល ខេមរិន្ទ្រ គឺជាមនុស្សទី៤ហើយ ដែលទទួលបានសិទ្ធិធ្វើនយោបាយឡើងវិញ។

សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ កាលពីថ្ងៃទី១៦ ខែមីនា បានធ្វើលិខិតស្នើសុំទៅសម្ដេចតេជោ ហ៊ុន សែន នាយករដ្ឋមន្ត្រី ដើម្បីធ្វើលិខិតទូលថ្វាយព្រះមហាក្សត្រ ស្នើសុំផ្ដល់នីតិសម្បទាឡើងវិញដល់លោក រៀល ខេមរិន្ទ្រ អតីតតំណាងរាស្ត្រនៃអតីតគណបក្សសង្គ្រោះជាតិ។

នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមយាផ្ទៃ បានបញ្ជាក់ថា លោក រៀល ខេមរិន្ទ្រ បានដាក់ពាក្យមកក្រសួងមហាផ្ទៃ កាលពីថ្ងៃទី១៤ ខែមីនា ឆ្នាំ២០១៩ ហើយសម្ដេចក្រឡាហោម បានស្នើសុំទៅសម្តេចតេជោ តាមលិខិតរបស់ក្រសួងមហាផ្ទៃ កាលពីព្រឹកថ្ងៃទី១៦ ខែមីនា ឆ្នាំ២០១៩។

សូមជម្រាបថា អតីតមន្រ្តីជាន់ខ្ពស់នៃអតីតគណបក្សសង្គ្រោះជាតិចំនួន ៤រូបហើយ ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្ដល់នីតិសម្បទាឡើងវិញ ពោលគឺមានសិទ្ធិធ្វើនយោបាយឡើងវិញ ក្នុងនោះរួមមាន លោក គង់ គាំ អតីតទីប្រឹក្សាជាន់ខ្ពស់នៃអតីតគណបក្សសង្គ្រោះជាតិ។ លោក គង់ បូរ៉ា អតីតអ្នកតំណាងរាស្ត្រ លោក ស៊ីម សុវណ្ណនី សមាជិកគណៈកម្មការនាយកនៃអតីតគណបក្សសង្គ្រោះជាតិ និងលោក រៀល ខេមរិន្រ្ទ នេះ។ ក្រៅពីនេះ ក៏មានអតីតមន្ត្រីជាន់ខ្ពស់គណបក្សសង្គ្រោះជាតិ មួយចំនួនទៀត បានដាក់ពាក្យស្នើសុំសិទ្ធិធ្វើនយោបាយឡើងវិញ ទៅក្រសួងមហាផ្ទៃបន្តបន្ទាប់៕