ទស្សនាទិដ្ឋភាពការដ្ឋានសាងសង់ផ្លូវល្បឿនលឿនភ្នំពេញ-ព្រះសីហនុ
- 2019-03-18 09:23:09
- ចំនួនមតិ 0 | ចំនួនចែករំលែក 0
ទស្សនាទិដ្ឋភាពការដ្ឋានសាងសង់ផ្លូវល្បឿនលឿនភ្នំពេញ-ព្រះសីហនុ
ចន្លោះមិនឃើញ
ផ្លូវល្បឿនលឿនពីរាជធានីភ្នំពេញ ទៅខេត្តព្រះសីហនុ ដែលមានប្រវែងជាង ១៩០គីឡូម៉ែត្រ នឹងត្រូវបើកការដ្ឋានសាងសង់ជាផ្លូវការនៅថ្ងៃទី២២មីនាខាងមុខនេះ នៅក្នុងភូមិស្លា ឃុំវល្លិសរ ស្រុកសំរោងទង ខេត្តកំពង់ស្ពឺ ចន្លោះគីឡូម៉ែត្រលេខ ៣៩ ផ្លូវជាតិលេខ៤។
ផ្លូវល្បឿនលឿនភ្នំពេញ-ព្រះសីហនុ ត្រូវសាងសង់ចេញពីម្តុំផ្លូវរទេះភ្លើង នៃតំបន់ទំនប់កប់ស្រូវ ស្ថិតនៅខាងស្តាំដៃផ្លូវជាតិលេខ៤ និងសាងសង់ស្របគ្នានឹងផ្លូវជាតិនេះ រហូតជិតដល់ទីរួមខេត្តកំពង់ស្ពឺ ទើបផ្លូវនេះឆ្លងកាត់ផ្លូវជាតិលេខ៤ ងាកមកខាងឆ្វេងដៃវិញ ហើយបន្តរហូតដល់ស្រុកព្រៃនប់ ទើបផ្លូវនេះងាកមកស្តាំដៃ រហូតដល់មាត់សមុទ្រនៃក្រុងព្រះសីហនុ។
ផ្លូវល្បឿនលឿននេះ គ្រោងនឹងចំណាយថវិកាប្រមាណ ១៩០០លានដុល្លារ ដែលសាងសង់ដោយក្រុមហ៊ុនចិន ក្រោមរូបភាពវិនិយោគសាងសង់-ធ្វើអាជីវកម្ម-ផ្ទេរ (BOT)។ រយៈពេលនៃការសាងសង់ គឺ ៤៨ខែ៕
ខាងក្រោមនេះ គឺជាទិដ្ឋភាពការដ្ឋានសាងសង់ផ្លូវល្បឿនលឿនភ្នំពេញ-ព្រះសីហនុ ដែលបង្ហោះនៅលើទំព័រហ្វេសប៊ុករបស់ក្រសួងសាធារណការ និងដឹកជញ្ជូន នាថ្ងៃទី១៨ ខែមីនា ឆ្នាំ២០១៩។