សម្តេច ស ខេង ជំរុញឱ្យអាជ្ញាធរខេត្តព្រះសីហនុ ខិតខំសម្របសម្រួលជម្លោះដីធ្លី
- 2019-03-19 01:31:09
- ចំនួនមតិ 0 | ចំនួនចែករំលែក 0
សម្តេច ស ខេង ជំរុញឱ្យអាជ្ញាធរខេត្តព្រះសីហនុ ខិតខំសម្របសម្រួលជម្លោះដីធ្លី
ចន្លោះមិនឃើញ
សម្តេច ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានជំរុញឱ្យអាជ្ញាធរពាក់ព័ន្ធបន្តខិតខំសម្របសម្រួលជម្លោះនានានៅមូលដ្ឋាន ជាពិសេសជម្លោះដីធ្លីប្រកបដោយតម្លាភាព យុត្តិធម៌ ដោយឈរលើគោលការណ៍ច្បាប់ និងរួមគ្នាលុបបំបាត់ការធ្វើអន្តរាគមន៍ពាក់ព័ន្ធនឹងជម្លោះនានាខុសពីតួនាទី និងសមត្ថកិច្ចរបស់ខ្លួន។ ការថ្លែងនេះ ធ្វើឡើងក្នុងពិធីផ្ទេរភារកិច្ចប្រធានក្រុមការងារថ្នាក់ជាតិ ចុះជួយមូលដ្ឋានខេត្តព្រះសីហនុ កាលពីរសៀលថ្ងៃទី១៨ ខែមីនា ឆ្នាំ២០១៩ នៅសាលាខេត្តព្រះសីហនុ។
ជាមួយគ្នានោះ សម្តេចក្រឡាហោម បានបញ្ជាឲ្យអាជ្ញាធរខេត្តព្រះសីហនុ ទប់ស្កាត់ការទន្ទ្រានកាន់កាប់ដីខុសច្បាប់ បង្ការទប់ស្កាត់បង្ក្រាបបទល្មើសព្រៃឈើ បទល្មើសធនធានធម្មជាតិគ្រប់ប្រភេទ និងបទល្មើសនេសាទសមុទ្រផងដែរ។
សម្តេចបានលើកឡើងថា ក្នុងការអនុវត្តវិធានការនេះ កងកម្លាំងមានសមត្ថកិច្ច និងមន្ត្រីអនុវត្តច្បាប់ ត្រូវពង្រឹងវិន័យមានសេចក្តីស្មោះត្រង់ ស្អាតស្អំ និងត្រូវដកខ្លួនចេញឱ្យឆ្ងាយពីបទល្មើសនានា៕