លោក ប្រាយុទ្ធ និងលោកស្រី ស៊ូជី បើកសម្ពោធស្ពានភ្ជាប់ប្រទេសទាំង២ ប្រវែងជិត ៨០០ម៉ែត្រ
- 2019-03-20 02:35:16
- ចំនួនមតិ 0 | ចំនួនចែករំលែក 0
លោក ប្រាយុទ្ធ និងលោកស្រី ស៊ូជី បើកសម្ពោធស្ពានភ្ជាប់ប្រទេសទាំង២ ប្រវែងជិត ៨០០ម៉ែត្រ
ចន្លោះមិនឃើញ
នាយករដ្ឋមន្រ្តីថៃ លោក ប្រាយុទ្ធ ចាន់អូចា និងទីប្រឹក្សារដ្ឋនៃប្រទេសមីយ៉ាន់ម៉ា លោកស្រី អ៊ុងសាន ស៊ូជី បានអញ្ជើញបើកសម្ពោធស្ពានភ្ជាប់ប្រទេសទាំង២ កាលពីថ្ងៃទី១៩ ខែមីនា ឆ្នាំ២០១៩។
លោក ប្រាយុទ្ធ បានថ្លែងក្នុងពិធីនេះថា ការបញ្ចប់ការសាងសង់ស្ពានថ្មីនេះ គឺបង្ហាញពីទំនាក់ទំនងដ៏ល្អរវាងប្រទេសទាំង២។
លោកបន្តថា ស្ពាននេះ គឺជាផ្នែកមួយនៃការអភិវឌ្ឍច្រករបៀងសេដ្ឋកិច្ចខាងលិច-ខាងកើត ជំរុញការអភិវឌ្ឍសេដ្ឋកិច្ចក្នុងស្រុក Mae Sot និងក្រុង Myawaddy និងតភ្ជាប់គម្រោងដឹកជញ្ជូននានារវាងប្រទេសទាំង២។
សូមជម្រាបថា ស្ពាននេះ គឺខាងភាគីថៃ ជាអ្នកចំណាយក្នុងការសាងសង់ ប្រហែល ៣ពាន់លានបាត (ជាង ៩៤លានដុល្លារ)។ ស្ពាននេះ ត្រូវបានសាងសង់ឡើងដើម្បីបញ្ចៀសការកកស្ទះចរាចរណ៍នៅលើស្ពានមិត្តភាពថៃ-មីយ៉ាន់ម៉ា ទី១ ដែលស្ថិតនៅក្បែរគ្នានោះ។
មន្រ្តីរំពឹងថា ស្ពានថ្មីនេះ នឹងជំរុញទេសចរណ៍ និងពាណិជ្ជកម្មទ្វេភាគី ពីបច្ចុប្បន្ន ៧០ពាន់លានបាត ទៅ ១០០ពាន់លានបាតក្នុងមួយឆ្នាំ៕