ឈ្មោះសករាជអធិរាជជប៉ុន នឹងត្រូវផ្លាស់ប្តូរ

2019-04-01 06:41:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី១ ខែមេសា ឆ្នាំ២០១៩នេះ រដ្ឋាភិបាលជប៉ុន បានប្រកាសថា «Reiwa» ឬ «Gengo» នឹងក្លាយជាឈ្មោះនៃសករាជអធិរាជថ្មី ចាប់ពីថ្ងៃទី១ ខែឧសភាតទៅ ដោយបញ្ចប់នូវសករាជ «Heisei» ពោលគឺនៅពេលដែលព្រះអង្គម្ចាស់ Naruhito ឡើងគ្រងរាជ្យសម្បត្តិ។

ព្រះអង្គម្ចាស់ Naruhito ( រូបថត៖ Reuter)

ព្រះអង្គម្ចាស់ Naruhito នឹងឡើងស្នងរាជ្យពីបិតាគឺព្រះចៅអធិរាជ Akihito ដែលនឹងត្រូវដាក់រាជ្យនាថ្ងៃទី៣០ ខែមេសាខាងមុខនេះ។

ព្រះអង្គម្ចាស់ Naruhito (ឆ្វេង) ព្រះចៅ Akihito (ស្តាំ)។ រូបថត៖ Reuter

ឈ្មោះសករាជអធិរាជ «Reiwa» នឹងត្រូវប្រើប្រាស់លើឯកសារផ្លូវការនានា កាសែត ប្រតិទិន និងកាក់។ ហើយនេះគឺជាឈ្មោះសករាជអធិរាជទី៥ ដែលប្រើប្រាស់ក្នុងប្រទេសជប៉ុននាសម័យទំនើបក្នុងនោះរួមមាន៖ ទី១. Meiji និងទី២. Taisho (ពីឆ្នាំ ១៩១២-១៩២៦), ទី៣. Showa (ពីឆ្នាំ១៩២៦-១៩៨៩) និងទី៤ នាពេលបច្ចុប្បន្នគឺ Heisei។

ព្រះអង្គម្ចាស់ Naruhito ( រូបថត៖ Reuter)

សូមរំលឹកថា ព្រះចៅអធិរាជ Akihito បានប្រកាសអំពីបំណងនៃការដាក់រាជ្យនេះ កាលពីខែកក្កដា ឆ្នាំ២០១៦ ដោយសារតែបញ្ហាព្រះរាជសុខភាព និងព្រះជន្ម កាន់តែចាស់វស្សា។ សភាជប៉ុន កាលពីខែមិថុនា ឆ្នាំ២០១៧ បានអនុម័តច្បាប់សម្រាប់ត្រួសត្រាយផ្លូវដល់ព្រះចៅអធិរាជដែលមានព្រះជន្ម ៨៥ព្រះវស្សាអង្គនេះ ដាក់រាជ្យ។ នេះនឹងក្លាយជាការដាក់រាជ្យលើកដំបូង របស់អធិរាជនៃប្រទេសជប៉ុន ក្នុងរយៈពេលជាង ២០០ឆ្នាំមកនេះ៕

ប្រភព៖ Bangkokpost ប្រែសម្រួល៖ សំភី