អាមេរិក ផ្អាកបញ្ជូនយន្តហោះ F-35 ទៅតួកគី ដោយសាររឿងខែលមីស៊ីល S-400 របស់រុស្ស៊ី

2019-04-02 02:36:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ទីរបញ្ចកោណអាមេរិក បានប្រកាសកាលពីថ្ងៃទី១ ខែមេសា ឆ្នាំ២០១៩ថា ខ្លួនផ្អាកការបញ្ជូន និងចូលរួមការងារទាំងអស់ជាមួយតួកគី ទៅលើកម្មវិធីយន្តហោះចម្បាំង F-35 ដោយសារតែប្រទេសនេះទិញខែលមីស៊ីល S-400 ពីរុស្ស៊ី។

លោក Charles E. Summers Jr ប្រធានអ្នកនាំពាក្យមន្ទីរបញ្ចកោណ បាននិយាយថា ដោយសារតែពួកគេ (តួកគី) នៅតែបន្តទិញ S-400 ហេតុដូច្នេះអាមេរិក បានសម្រេចផ្អាកបញ្ជូន និងឈប់ធ្វើសកម្មភាពដែលពាក់ព័ន្ធនឹងសមត្ថភាពប្រតិបត្តិការយន្តហោះ F-35 របស់តួកគី ព្រោះអាចបណ្តាលឱ្យមានហានិភ័យកើតឡើង។

យន្តហោះ F-35 (រូបថត៖ Reuter)

លោកលើកឡើងយ៉ាងដូច្នេះថា៖ «**យើងពិតជាមានការសោកស្តាយណាស់ចំពោះស្ថានភាពបច្ចុប្បន្ន ដោយប្រឈមនឹងរឿងភាពជាដៃគូយន្តហោះ F-35 ជាមួយតួកគី ប៉ុន្តែក្រសួងការពារជាតិ កំពុងតែចាត់វិធានការដោយប្រុងប្រយ័ត្ន ដើម្បីការពារការវិនិយោគដែលធ្វើឡើងនៅក្នុងបច្ចេកវិទ្យាដ៏សំខាន់របស់យើង**»។

ជាមួយគ្នានេះ មន្ទីរបញ្ចកោណអាមេរិក បានចាប់ផ្តើមស្វែងរកប្រភពទី២ ក្នុងការផលិតគ្រឿងបន្លាស់សម្រាប់យន្តហោះ F-35 ដែលបច្ចុប្បន្នកំពុងត្រូវបានផលិតនៅក្នុងប្រទេសតួកគី។

តួកគីមានផែនការទិញយន្តហោះចម្បាំង F-35A ចំនួន១០០គ្រឿង ដែលអាកាសយានិកតួកគី បានហ្វឹកហាត់រួចមកហើយ នៅក្នុងសហរដ្ឋអាមេរិក។ ក្រុមហ៊ុនអាមេរិក Lockheed Martin ដែលជាអ្នកផលិតយន្តហោះប្រភេទនេះ បាននិយាយថា កិច្ចសន្យាជាមួយក្រុមហ៊ុនតួកគី ដើម្បីបង្កើតរោងចក្រផលិតគ្រឿងបន្លាស់សម្រាប់យន្តហោះ F-35 គឺមានតម្លៃដល់ ១២ពាន់លានដុល្លារ៕

ប្រភព៖ Bangkokpost ប្រែសម្រួល៖ សំភី