ចិន នឹងទទួលបានខែលមីស៊ីល S-400ទី២ ពីរុស្ស៊ី មុនកាលកំណត់

2019-04-04 04:09:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រព័ន្ធខែលមីស៊ីល S-400 ទី២ របស់រុស្ស៊ី នឹងត្រូវបញ្ជូនទៅកាន់ប្រទេសចិនតាមផ្លូវសមុទ្រ នាខែកក្កដា ឆ្នាំ២០១៩ខាងមុខនេះ ពោលគឺមុនកាលកំណត់ ៥ខែ។ នេះបើតាមប្រភពយោធារុស្ស៊ី ដែលបានប្រាប់សារព័ត៌មាន TASS កាលពីថ្ងៃទី៣ ខែមេសា ឆ្នាំ២០១៩។

រូបថត៖ Reuters

សូមរំលឹកថា ចិនបានទទួលប្រព័ន្ធមីស៊ីល S-400 ទី១ ក្នុងចំណោម៦គ្រឿង កាលពីឆ្នាំ២០១៨ ខណៈសល់៤គ្រឿងទៀត ត្រូវបានគេរំពឹងថា នឹងបញ្ជូនឱ្យអស់នៅឆ្នាំ២០២០។ ចិនចុះកិច្ចព្រមព្រៀងទិញខែលមីស៊ីល S-400 ពីរុស្ស៊ី កាលពីឆ្នាំ២០១៤ ក្នុងតម្លៃសរុប ៣ពាន់លានដុល្លារ បានក្លាយជាបរទេសដំបូងគេ ដែលបានទិញខែលមីស៊ីលនេះ។

បើប្រៀបធៀបនឹងខែលមីសីលអាមេរិក ដូចជា MIM-104 Patroit គឺខែលមីស៊ីល S-400 របស់រុស្ស៊ី មានតម្លៃថោកជាង។ S-400 អាចបាញ់បានចម្ងាយដល់ ៦០០គីឡូម៉ែត្រ និងអាចបាញ់ទម្លាក់យន្តហោះសត្រូវ ក្នុងរយៈកម្ពស់ ២៧គីឡូម៉ែត្រ។ ក្នុង១ប្រព័ន្ធខែលមីស៊ីលនេះ គឺបំពាក់មីស៊ីលបានដល់ទៅ ៧២គ្រាប់ក្នុងពេលតែមួយ ហើយអាចបាញ់សំដៅទៅគោលដៅផ្សេងៗគ្នាលើអាកាសចំនួន ៣៦គោលដៅ៕

ប្រភព៖ TASS ប្រែសម្រួល៖ សំភី