ជើងខ្លាំងប្រដាល់សេរី ៨រូប តតាំងគ្នាដណ្ដើមពាន Grand Prix នៅសង្វៀន ONE សិង្ហបុរី
- 2019-04-05 04:09:59
- ចំនួនមតិ 0 | ចំនួនចែករំលែក 0
ជើងខ្លាំងប្រដាល់សេរី ៨រូប តតាំងគ្នាដណ្ដើមពាន Grand Prix នៅសង្វៀន ONE សិង្ហបុរី
ចន្លោះមិនឃើញ
លោក Chatri Sityodtong ស្ថាបនិក និងជាប្រធានស្ថាប័ន ONE Championship បានប្រកាសនៅលើបណ្ដាញសង្គមហ្វេសប៊ុក នាព្រឹកថ្ងៃទី៥ ខែមេសានេះថា កីឡាករប្រដាល់សេរីជើងខ្លាំង ៨រូប នឹងត្រូវតតាំងគ្នាដណ្ដើមពាន ONE Featherweight Kickboxing World Grand Prix ដែលនឹងធ្វើឡើងនៅក្នុងព្រឹត្តិការណ៍ ONE: Enter The Dragon នៅប្រទេសសិង្ហបុរី នាថ្ងៃទី១៧ ខែឧសភាខាងមុខនេះ។
កីឡាករទាំង ៨រូបនោះ រួមមាន Giorgio Petrosyan (អ៊ីតាលី), Yodsanklai Fairtex (ថៃ), Samy Sana (បារាំង), Jo Nattawut (ថៃ), Dzhabar Askerov (រុស្ស៊ី), Andy Souwer (ហូឡង់), Enriko Kehl (អាល្លឺម៉ង់) និង Petchmorrakot Petchyindee (ថៃ)។
អ្វីដែលគួរឲ្យចាប់អារម្មណ៍ទៀតនោះ គឺអតីតជើងខ្លាំងប្រចាំ UFC គឺកីឡាករ Sage Northcutt ក៏នឹងបង្ហាញខ្លួនលើកដំបូងនៅសង្វៀន ONE នាប្រទេសសិង្ហបុរីដែរ។ កីឡាករអាមេរិករូបនេះ នឹងប៉ះកីឡាករប្រេស៊ីល Cosmo Alexandre។ ចំណែកឯការប្រកួតពាក់កណ្ដាលផ្ដាច់ព្រ័ត្រ ONE Lightweight World Grand Prix រវាង Saygid Guseyn Arslanaliev និង Ariel Sexton ក៏ធ្វើឡើងនាថ្ងៃដូចគ្នានោះដែរ៕