ទ័ពជើងទឹកថៃ ធ្វើតេស្តបាញ់មីស៊ីលប្រឆាំងនាវា ក្នុងសមយុទ្ធមួយជាមួយអាមេរិក (មានវីដេអូ)

2019-04-08 02:08:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពជើងទឹកថៃ បានធ្វើតេស្តបាញ់មីស៊ីលប្រឆាំងនាវា C-802A មួយគ្រាប់ ចេញពីនាវាចម្បាំង HTMS Kraburi ក្នុងអំឡុងពេលធ្វើសមយុទ្ធប្រចាំឆ្នាំមួយជាមួយទ័ពអាមេរិក ក្នុងសមុទ្រ Andaman កាលពីថ្ងៃទី៥ ខែមេសា ឆ្នាំ២០១៩។

រូបថត៖ កងទ័ពជើងទឹកថៃ

ការធ្វើតេស្តមីស៊ីលនេះ គឺជាផ្នែកនៃកម្មវិធីហ្វឹកហ្វឺនមួយនៃសមយុទ្ធ ដែលបាញ់បានចម្ងាយ ១៨០គីឡូម៉ែត្រ ចេញពីមូលដ្ឋានទ័ពជើងទឹក Phang Nga ដោយត្រូវគោលដៅយ៉ាងត្រឹមត្រូវ។ នេះជាការបាញ់លើកទី១នូវអាវុធប្រភេទនេះ ក្នុងទ័ពជើងទឹកថៃ និងជាលើកដំបូងក្នុងតំបន់អាស៊ានផងដែរ។

រូបថត៖ កងទ័ពជើងទឹកថៃ

សូមជម្រាបថា ការធ្វើសមយុទ្ធរវាងកងទ័ពទាំង២នេះ ធ្វើឡើងដើម្បីបង្កើនសមត្ថភាពក្នុងសង្គ្រាមប្រឆាំងនាវាមុជទឹក និងការធ្វើឱ្យប្រសើរឡើងនូវការចែករំលែកព័ត៌មានរវាងកងទ័ពជើងទឹកប្រទេសទាំង២។ សមយុទ្ធនេះ ចាប់ផ្តើមធ្វើឡើងតាំងពីឆ្នាំ២០១២មក។

កងទ័ពជើងទឹកថៃ រំពឹងថា សមយុទ្ធនេះ នឹងជួយឱ្យកងទ័ពរបស់ខ្លួនអាចការពារផលប្រយោជន៍ជាតិនៅតំបន់សមុទ្រ និងនាំមុខគេក្នុងការគ្រប់គ្រងសន្តិសុខសមុទ្រក្នុងតំបន់នេះ៕

ទស្សនាវីដេអូ៖

ប្រភព៖ Bangkokpost ប្រែសម្រួល៖ សំភី