លោក ដូណាល់ ត្រាំ ប្រកាសពីការលាលែងតំណែងរបស់រដ្ឋមន្រ្តីក្រសួងសន្តិសុខមាតុភូមិអាមេរិក

2019-04-08 07:37:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ដូណាល់ ត្រាំ បានប្រកាសនៅលើបណ្តាញ Twitter របស់លោក កាលពីម្សិលមិញ អំពីចាកចេញពីតំណែងរដ្ឋមន្រ្តីក្រសួងសន្តិសុខផ្ទៃក្នុងរបស់លោកស្រី Kirstjen Nielsen។ លោកបានអរគុណលោកស្រី ចំពោះការបំពេញមុខងារនេះនាពេលកន្លងមក។

រូបថត៖ AP

លោក ដូណាល់ ត្រាំ បន្ថែមថា លោក Kevin McAleenan ដែលជាប្រធានគណៈ កម្មការគយ និងព្រំដែនអាមេរិកនាពេលបច្ចុប្បន្ន នឹងត្រូវតែងតាំងជារដ្ឋមន្រ្តីស្តីទីក្រសួងសន្តិសុខផ្ទៃក្នុង។

ចំពោះការចុះចេញពីតំណែងរបស់លោកស្រី Kirstjen Nielsen មិនត្រូវបានគេដឹងច្បាស់ថា ជាការស្ម័គ្រចិត្តរបស់លោកស្រី ឬក៏ការរងសម្ពាធណាមួយឡើយ សូម្បីតែលោកស្រីផ្ទាល់ក៏មិនបញ្ជាក់ពីមូលហេតុនេះដែរ ដោយគ្រាន់តែចេញសេចក្តីថ្លែងការណ៍ថា សន្តិសុខផ្ទៃក្នុងរបស់អាមេរិក នាពេលបច្ចុប្បន្នកាន់តែមានសុវត្ថិភាពជាងពេលលោក បានចូលកាន់តំណែងនេះ កាលខែធ្នូ ឆ្នាំ២០១៧។

លោកស្រីបញ្ជាក់យ៉ាងដូច្នេះថា៖ «យើងបានអនុវត្តកិច្ចប្រឹងប្រែងជាប្រវត្តិសាស្រ្ត ក្នុងការការពារព្រំដែនរបស់យើង ប្រយុទ្ធប្រឆាំងនឹងអន្តោប្រវេសន៍ខុសច្បាប់ ទប់ស្កាត់លំហូរគ្រឿងញៀន និងពង្រឹងច្បាប់របស់យើង»។

លោកស្រី Kirstjen Nielsenក៏បានកត់សម្គាល់ដែរថា ក្រសួងនេះ បានទប់ស្កាត់នូវការរំខានក្នុងដំណើរការបោះឆ្នោតរបស់អាមេរិក និងការពារការជ្រៀតជ្រែករបស់បរទេសក្នុងប្រជាធិបតេយ្យ៕

ប្រភព៖ Sputnik News ប្រែសម្រួល៖ សំភី