ថៃ ធ្វើកម្មវិធីវប្បធម៌ ៣ថ្ងៃជាប់គ្នា នៅប្រាសាទភ្នំរុង ខេត្តបុរីរម្យ

2019-04-09 03:58:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថៃ បានរៀបចំកម្មវិធីវប្បធម៌រយៈពេល ៣ថ្ងៃ នៅប្រាសាទភ្នំរុង ក្នុងខេត្តបុរីរម្យ កាលពីចុងសប្ដាហ៍កន្លងទៅ។ នេះបើតាមការចុះផ្សាយរបស់សាព័ត៌មានថៃ The Nation។

រូបភាព៖ The Nation

ប្រភពដដែលបញ្ជាក់ថា កម្មវិធីនេះ ធ្វើឡើងដើម្បីផ្សព្វផ្សាយប្រពៃណីវប្បធម៌ និងដើម្បីទាក់ទាញភ្ញៀវទេសចរ ចូលទស្សនាប្រាសាទបុរាណមួយនេះ។

កម្មវិធីនេះ មានការសម្ដែងរបាំ ការធ្វើពិធីសាសនាផ្សេងៗ ក៏ដូចជាការតាំងពិព័ណ៌ទំនិញ និងម្ហូបអាហារផងដែរ។

សូមបញ្ជាក់ថា ប្រាសាទភ្នំរុង ជាអតីតប្រាសាទបុរាណខ្មែរ សាងសង់ឡើងរវាងចន្លោះសតវត្សទី១១ និងទី១២ តាមរចនាបថបាខែង និងរចនាបថបាយ័ន។ ប្រាសាទនេះ មានបាតុភូតអស្ចារ្យមួយ គឺ អំឡុងថ្ងៃទី៣ ដល់ទី ៥ ខែមេសា ព្រះអាទិត្យបានរះចែងចាំងកាំរស្មីព្រមគ្នា ចូលតាមទ្វារទាំង ១៥ នៃប្រសាទនេះ។ ចំណែកចាប់ពីថ្ងៃទី៨ ដល់ទី១០ ខែកញ្ញា ព្រះអាទិត្យនឹងលិចព្រមគ្នា តាមច្រកទ្វារទាំង ១៥ នៃប្រាសាទនេះដូចគ្នា៕