ទូរទស្សន៍កូរ៉េ ភ្ញាក់ផ្អើលចំណុចប្លែកមួយនៅប្រាសាទអង្គរវត្ត

2019-04-09 04:26:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទូរទស្សន៍កូរ៉េខាងត្បូង KBS World បានធ្វើដំណើរមកដល់ទឹកដីអង្គរខេត្តសៀមរាប ដើម្បីថតកម្មវិធីមួយឈ្មោះថា Battle Trip ដែលបានចាក់ផ្សាយជាលើកដំបូងកាលពីថ្ងៃទី ៧ ខែមេសាកន្លងទៅ។

ក្នុងវគ្គដំណើរកម្សាន្តមកកាន់ប្រទេសកម្ពុជានេះ មានបេក្ខភាពពីររូបបានរៀបចំដំណើរកម្សាន្តទៅកាន់ប្រាសាទអង្គរវត្ត, ប្រាសាទអង្គរធំ, ប្រាសាទបេងមាលា, ទស្សនាថ្ងៃលិចនៅភ្នំបាខែង, ទៅលេងទឹកធ្លាក់នៅភ្នំគូលែន និងភ្លក់មុខម្ហូបខ្មែរមួយចំនួនផងដែរ។

ឈុតឆាកដំណើរកម្សាន្តនៅប្រាសាទអង្គរវត្តមានការរៀបរាប់អំពីចំណុចគួរឲ្យចាប់អារម្មណ៍ជាច្រើន។ ហើយបេក្ខភាពទាំងពីររូបក៏បានសម្ដែងអារម្មណ៍ភ្ញាក់ផ្អើលខ្លាំងពេលប្រទះឃើញចម្លាក់មួយផ្នែកនៃប្រាសាទអង្គរវត្ត ដែលមើលទៅហាក់ដូចជាមិនទាន់បានធ្វើរួចរាល់។ មិនត្រឹមតែបេក្ខភាពទាំងពីរទេដែលភ្ញាក់ផ្អើល សូម្បីតែអ្នកដែលទស្សនាកម្មវិធីនេះ ក៏ភ្ញាក់ផ្អើលមិនស្ទើរដែរ។