នៅ ស្រីពៅ ប៉ះជើងខ្លាំងឥណ្ឌូណេស៊ី ដែលមានប្រវត្តិប្រកួតជោគជាំ នៅ ONE Championship

2019-04-10 06:52:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាការិនីគុនខ្មែរ នៅ ស្រីពៅ នឹងឡើងប្រកួតក្បាច់គុនចម្រុះ MMA នៅ ONE Championship ជាលើកទី២ ដោយត្រូវប៉ះកីឡាការិនីម្ចាស់ផ្ទះ Priscilla Hertati Lumban Gaol ក្នុងព្រឹត្តិការណ៍ ONE: FOR HONOR នាថ្ងៃទី៣ ខែឧសភា ឆ្នាំ២០១៨ នៅទីក្រុងហ្សាការតា ប្រទេសឥណ្ឌូណេស៊ី។

នៅ ស្រពៅ ពេលប្រកួតដំបូងនៅ ONE (រូបភាព៖ ONE Championship)

Priscilla ជាកីឡាការិនីដែលមានបទពិសោធន៍ប្រកួតនៅ ONE ដល់ទៅ ៩ដង (ឈ្នះ៥ដង ចាញ់៤ដង)។ អ្វីដែលគួរឲ្យចាប់អារម្មណ៍ គឺកីឡាការិនី វ័យ ៣០ឆ្នាំរូបនេះ បានប្រកួតឈ្នះ ៥ដង និងចាញ់តែម្ដងប៉ុណ្ណោះក្នុងឆ្នាំ២០១៨។ យ៉ាងណាក្ដី ប្រកួតចុងក្រោយកាលពីខែមករា ដើមឆ្នាំកន្លងទៅ Priscilla ចាញ់កីឡាការិនី Puja Tomar ដោយពិន្ទុ។

ចំណែក នៅ ស្រីពៅ វិញ បានបង្កភាពភ្ញាក់ផ្អើល ដោយអាចយកឈ្នះកីឡាការិនីថៃ Rika Ishige ក្នុងការប្រកួត MMA លើកដំបូងក្នុងអាជីពរបស់ខ្លួន កាលពីខែកុម្ភៈកន្លងទៅ។ បច្ចុប្បន្ន កីឡាការិនីដែលវិវត្តខ្លួនពីកម្មការិនីកាត់ដេររូបនេះ កំពុងហាត់ប្រដាល់សាកលក្នុងក្រុមជម្រើសជាតិ ប៉ុន្តែនាងនឹងហាត់ MMA ត្រៀមប្រកួតនេះ នៅក្លឹប Cambodian Top Team ជាមួយលោកគ្រូ ហ៊ុន ច័ន្ទរាជ្យ។