កម្ពុជា-អាមេរិក នឹងបន្តពង្រីកកិច្ចសហប្រតិបត្តិការកងទ័ពទាំង២ ទៅថ្ងៃអនាគត
- 2019-04-11 02:11:34
- ចំនួនមតិ 0 | ចំនួនចែករំលែក 0
កម្ពុជា-អាមេរិក នឹងបន្តពង្រីកកិច្ចសហប្រតិបត្តិការកងទ័ពទាំង២ ទៅថ្ងៃអនាគត
ចន្លោះមិនឃើញ
លោកឧត្តមសេនីយ៍ត្រី ចនណាតាន់ ប្រាហ្គា (Jonathan Braga) មេបញ្ជាការ បញ្ជាការដ្ឋានប្រតិបត្តិការពិសេសតំបន់ប៉ាស៊ីហ្វិក នៃកងទ័ពសហរដ្ឋអាមេរិក កាលពីរសៀលថ្ងៃទី ៩ ខែមេសា ឆ្នាំ២០១៩ បានទទួលស្វាគមន៍ និងបង្ហាញទឹកចិត្តសប្បាយរីករាយ ដែលលោកឧត្តមសេនីយ៍ឯក ហ៊ុន ម៉ាណែត បានចំណាយពេលវេលាមកចូលរួមសិក្ខាសាលាអន្តរជាតិ ស្តីពីប្រតិបត្តិការពិសេស តំបន់ប៉ាស៊ីហ្វិក « PASOC 19 »។ លោកសង្ឃឹមថា កងកម្លាំងនៃប្រទេសទាំងពីរ នឹងបន្តពង្រឹង និងពង្រីកកិច្ចសហប្រតិបត្តិការទៅថ្ងៃអនាគត។
មេបញ្ជាការកងទ័ពជើងគោក បានថ្លែងអំណរគុណ មេបញ្ជាការបញ្ជាការដ្ឋានប្រតិបត្តិការពិសេស តំបន់ប៉ាស៊ីហ្វិក ដែលបានអញ្ជើញរូបលោក និងគណៈប្រតិភូកងទ័ពកម្ពុជា មកចូលរួមសិក្ខាសាលាអន្តរជាតិនេះ។
លោកឧត្តមសេនីយ៍ឯក បានបន្តថាទំនាក់ទំនងកម្ពុជា-សហរដ្ឋអាមេរិក មានយូរមកហើយលើគ្រប់វិស័យ ចំពោះវិស័យការពារជាតិកម្ពុជា និងសហរដ្ឋអាមេរិក ក៏បានធ្វើការងាររួមគ្នាច្រើននាពេលកន្លងមក ទាំងការជួយឧបត្ថម្ភ ការហ្វឹកហ្វឺន និងការធ្វើលំហាត់រួមគ្នាលើ ប្រធានបទប្រយុទ្ធប្រឆាំងអំពើភេរវកម្ម ការងារមនុស្សធម៌ និងការសង្គ្រោះគ្រោះមហន្តរាយ។ ល។ លោក ហ៊ុន ម៉ាណែត សង្ឃឹមថាទៅថ្ងៃអនាគតទំនាក់ទំនងនៃកងទ័ពប្រទេសទាំងពីរ នឹងបន្តរីកចម្រើនទៅថ្ងៃអនាគត៕