សម្តេច ស ខេង អះអាងថា គ្មានក្រុមឧទ្ទាម និងកម្លាំងប្រដាប់អាវុធណា មកផ្តួលរំលំរាជរដ្ឋាភិបាលឡើយ
- 2019-04-11 07:31:58
- ចំនួនមតិ 0 | ចំនួនចែករំលែក 0
សម្តេច ស ខេង អះអាងថា គ្មានក្រុមឧទ្ទាម និងកម្លាំងប្រដាប់អាវុធណា មកផ្តួលរំលំរាជរដ្ឋាភិបាលឡើយ
ចន្លោះមិនឃើញ
សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា រហូតមកទល់ពេលនេះ គ្មានក្រុមឧទ្ទាមក្រៅច្បាប់ណាមួយ និងកម្លាំងប្រដាប់អាវុធមកផ្ដួលរំលំរាជរដ្ឋាភិបាលកម្ពុជាឡើយ។ ការអះអាងនេះ ក្នុងពិធីជួបសំណេះសំណាលជាមួយនិវត្តន៍ជន អតីតមន្ត្រីរាជការ កាលពីថ្ងៃទី១១ ខែមេសា ឆ្នាំ២០១៩។
សម្តេច ស ខេង ថ្លែងដូច្នេះក្រោយពីអតីតមេបក្សប្រឆាំងតែងតែស្រែកពីក្រៅប្រទេសមកថា នឹងមានក្រុមឧទ្ទាម និងកងកម្លាំងប្រដាប់មកផ្តួលរំលំរាជរដ្ឋាភិបាល។
សម្ដេច មានប្រសាសន៍យ៉ាងដូច្នេះថា៖ «វាគ្មានរបបណា អ្នកគ្រប់គ្រងណា សម័យណា ដែលដឹកនាំគ្រប់គ្រងប្រទេសបានយូរ ហើយធ្វើឲ្យមានសុខសន្ដិភាព ធ្វើឲ្យមានស្ថិរភាពធ្វើឲ្យមានការផ្សះផ្សារជាតិ និងបម្រែបម្រួលជាតិ ជារដ្ឋឯកភាពតែមួយបែបនេះទេ។ គ្មានកម្លាំងឧទ្ទាមក្រៅច្បាប់។ ប៉ុន្ដែវាមានដែរ ប្រឆាំងស្រែកនៅក្រៅប្រទេសអាហ្នឹងវាមាន ប៉ុន្ដែកម្លាំងប្រដាប់អាវុធ ជាឧទ្ទាមក្រៅច្បាប់ ផ្ដួលរំលំរាជរដ្ឋាភិបាល នឹងអត់មានទេ»៕