ទីបំផុត! ស្ថាបនិក WikiLeaks ត្រូវបានចាប់ខ្លួនហើយ

2019-04-11 10:18:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Julian Assange ស្ថាបនិក WikiLeaks ដែលបានចេញផ្សាយអត្ថបទសម្ងាត់ធ្វើឱ្យប៉ះពាល់ដល់រដ្ឋាភិបាលសហរដ្ឋអាមេរិកនោះ ត្រូវបានចាប់ខ្លួនហើយនៅថ្ងៃទី១១ ខែមេសា ឆ្នាំ២០១៩នេះ បន្ទាប់ពីលោកត្រូវបានដកសុំសិទ្ធិជ្រកកោនពីស្ថានទូតអេក្វាទ័រ នៅក្រុងឡុងដ៏ ប្រទេសអង់គ្លេស។ លោករស់នៅក្នុងក្រុងនេះ ស្ទើរជិត ៧ឆ្នាំមកហើយ។

លោក Julian Assange នៅស្ថានទូតអេក្វាឌ័រ ក្នុងក្រុងឡុងដ៏ កាលពីឆ្នាំ២០១៧។ រូបថត៖ AP

ប៉ូលិសក្រុងឡុងដ៏ បានថ្លែងថា លោក Julian Assange ត្រូវបានចាប់ខ្លួននៅស្ថានទូតនេះ តាមដីការរបស់តុលាការ កាលពីឆ្នាំ២០១២ ដោយសារលោកបានខកខានមិនបង្ហាញខ្លួននៅតុលាការ។

ក្រសួងយុត្តិធម៌អាមេរិក បានធ្វើការចោទប្រកាន់លោក Assange ដែលមានអាយុ ៤៧ឆ្នាំនេះ ពាក់ព័ន្ធនឹងការចេញផ្សាយឯកសារសម្ងាត់របស់អាមេរិក កាលពីខែវិច្ឆិកា ឆ្នាំ២០១៨កន្លងទៅ។

លោក Assange ត្រូវបានសង្ស័យពាក់ព័ន្ធនឹងការជួយដល់រុស្ស៊ី ក្នុងការជ្រៀតជ្រែកនូវការបោះឆ្នោតប្រធានាធិបតីអាមេរិក កាលពីឆ្នាំ២០១៦។

លោកបានសុំសិទ្ធិជ្រកកោនក្នុងស្ថានទូតអេក្វាឌ័រ កាលពីខែមិថុនា ឆ្នាំ២០១២ ដើម្បីចៀសវាងការកាត់ទោសរបស់តុលាការស៊ុយអែត ដែលបានចោទប្រកាន់លោកពាក់ព័ន្ធនឹងការរំលោភផ្លូវភេទ។ លោកបានច្រានចោលការចោទប្រកាន់នេះ ហើយថា ស៊ុយអែត មានបំណងបញ្ជូនលោកទៅអាមេរិក៕

ប្រភព៖ nytimes ប្រែសម្រួល៖ សំភី