ថ្ងៃនេះ ៤៤ឆ្នាំមុន សម្តេច ហ៊ុន សែន ធ្លាក់ខ្លួនពិការភ្នែកម្ខាង

2019-04-16 01:44:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ហ៊ុន សែន បានរំលឹកថា នៅថ្ងៃនេះ គឺជាខួបលើកទី៤៤ឆ្នាំ នៃការធ្លាក់ខ្លួនពិការ (ពិការភ្នែកម្ខាង) របស់សម្តេច (១៦ មេសា ១៩៧៥-១៦ មេសា ២០១៩)។

តាមរយៈទំព័រហ្វេសប៊ុករបស់សម្តេច ហ៊ុន សែន បានលើកឡើងយ៉ាងដូច្នេះថា៖ «តាំងពីពេលនោះមក ខ្ញុំមិនដែលនិយាយ និងមិនមានសិទ្ធិនិយាយពាក្យ (រក្សាការពារដូចការពារប្រស្រីភ្នែក) ទៀតទេ ព្រោះខ្ញុំខ្លួនឯងបានបាត់បង់ប្រស្រីភ្នែកឆ្វេងរួចទៅហើយ»។

សម្តេចនាយករដ្ឋមន្រ្តីបន្តថា៖ «ពិតជាឈឺខ្លាំងណាស់ នៅពេលដែលខ្ញុំត្រូវរបួស និងគ្រូពេទ្យបានវះយកកែវភ្នែកខ្ញុំចេញ។ នេះហើយជារសជាតិនៃយុវជនក្នុងសម័យសង្គ្រាម ខ្លះពលីជីវិត ខ្លះដាច់ដៃដាច់ជើង និងខ្លះពិការភ្នែក»។

រូបថត៖ ហ្វេសប៊ុកសម្តេច ហ៊ុន សែន

ជាមួយគ្នានេះ ប្រមុខរាជរដ្ឋាភិបាលបានស្នើសុំឱ្យប្រជាពលរដ្ឋជួយការពារសន្តិភាព និងកុំឱ្យសង្រ្គាមកើតឡើងវិញលើទឹកដីដ៏កំសត់មួយនេះជាថ្មីម្តងទៀត។ «លាហើយសង្គ្រាម ស្វាគមន៍ការអភិវឌ្ឍ»៕

អត្ថបទ៖ សំភី