នេះហើយជាមូលហេតុដែលធ្វើឱ្យថៃមានអ្នកស្លាប់ជិត ៤០០នាក់ ក្នុងគ្រោះថ្នាក់ចរាចរណ៍ នៅថ្ងៃសង្ក្រាន្ត

2019-04-18 08:08:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មនុស្សប្រមាណ ៣៨៦នាក់បានស្លាប់ និងរបួស ៣៤៤២នាក់ ក្នុងគ្រោះថ្នាក់ចរាចរណ៍នៅថ្ងៃសង្ក្រាន្តក្នុងប្រទេសថៃ គិតពីថ្ងៃទី ១១ ដល់ ១៧ ខែមេសា ឆ្នាំ២០១៩។ មូលហេតុចម្បងដែលបង្កឱ្យមានគ្រោះថ្នាក់ចរាចរណ៍ដល់ចំនួន ៣៣៣៨ករណីនេះ គឺដោយសារកត្តាស្រវឹង និងល្បឿន។ នេះបើតាមរបាយការណ៍របស់មជ្ឈមណ្ឌលសុវត្ថិភាពផ្លូវថ្នល់នៃប្រទេសថៃ ចេញផ្សាយនៅថ្ងៃទី១៨ ខែមេសា ឆ្នាំ២០១៩។

លោក Suthee Boonmak អនុរដ្ឋមន្រ្តីក្រសួងមហាផ្ទៃ បានប្រាប់សារព័ត៌មានក្នុងស្រុកថា អ្នកបើកបរ ក្រោមឥទ្ធិពលគ្រឿងស្រវឹង និងអ្នកដែលមិនគោរពល្បឿនកំណត់ ឬបើកបរមិនគោរពច្បាប់ នឹងក្លាយជាគោលដៅដែលត្រូវរឹតបន្តឹង ដើម្បីបន្ទាបចំនួនគ្រោះថ្នាក់ចរាចរណ៍នាថ្ងៃអនាគត។

រូបថត៖ Bangkok Post

ទោះជាយ៉ាងណាក៏ដោយ ករណីគ្រោះថ្នាក់ចរាចរណ៍នេះ បានថយចុះ ១០ភាគរយ បើប្រៀបធៀបនឹងឆ្នាំ២០១៨ ក្នុងនោះ ចំនួនអ្នកស្លាប់ថយចុះ ៧,៧ភាគរយ និងអ្នករបួសថយចុះ ១១,៧ភាគរយ។

ខេត្តដែលមានមនុស្សស្លាប់ច្រើនជាងគេគឺខេត្ត Lop Buri និង Udon Thani (ស្លាប់១៥នាក់ក្នុងខេត្តនីមួយៗ) ខណៈដែលខេត្ត៤ ពុំមានអ្នកស្លាប់រួមមាន Krabi, Phangnga, Sukhothai និង Ang Thong។

ដើម្បីកាត់បន្ថយគ្រោះថ្នាក់ចរាចរណ៍ លោកឧបនាយករដ្ឋមន្រ្តីថៃ Prawit Wongsuwon នឹងជំរុញឱ្យប៉ូលិសថៃ ពិចារណាបង្កើនការដាក់ទណ្ឌកម្មដល់អ្នកបំពានច្បាប់ចរាចរណ៍ថែមទៀតផងដែរ៕

ប្រភព៖ Bangkokpost ប្រែសម្រួល៖ សំភី