លីគកំពូលកម្ពុជា៖ កំពង់ចាម ទទួលភ្ញៀវបឹងកេត ក្រោយចាញ់ ១១-០ ពីរប្រកួតជាប់គ្នា

2019-04-19 08:01:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ខេត្តកំពង់ចាម នឹងត្រូវបើកទ្វារកីឡដ្ឋានវិទ្យាល័យប៊ុនរ៉ានីហ៊ុនសែនមេមត់ ស្វាគមន៍ក្រុមខ្លាំងបឹងកេត នាវេលាម៉ោង ៣កន្លះរសៀល ថ្ងៃអាទិត្យ ទី២១ ខែមេសា ឆ្នាំ២០១៩ ក្នុងសប្ដាហ៍ទី៤ នៃលីគកំពូលកម្ពុជា។

ក្រុមបាល់ទាត់ខេត្តកំពង់ចាម នាការប្រកួតកន្លងមក (រូបភាព CNCC)

កាលពីប្រកួតបើកឆាក កំពង់ចាម បានបង្កភាពភ្ញាក់ផ្អើល ដោយបានយកឈ្នះក្រុមអគ្គិសនីកម្ពុជា (EDC) ១-០ នៅក្រៅដី ប៉ុន្តែ ២ប្រកួតបន្ទាប់ ក្រុមចំណូលថ្មីមួយនេះ ត្រូវចាញ់ទក់សាច់ ១១-០ ទល់នឹងក្រុមអង្គរថាយហ្គ័រ (ក្នុងដីខ្លួនឯង) និងចាញ់ ១១-០ ម្ដងទៀត ទល់នឹងក្រុមក្រសួងការពារជាតិ (ក្រៅដី)។

ចំណែក បឹងកេត វិញ ក៏ចាប់ផ្ដើមរដូវកាលថ្មីយ៉ាងល្អផងដែរ គឺបានយកឈ្នះក្រុមគូប្រជែង ភ្នំពេញក្រោន ៣-២ នៅកីឡដ្ឋាន Smart RSN ប៉ុន្តែ ២ប្រកួតបន្ទាប់ ក្រុមជើងឯក ៣សម័យមួយនេះ រកបានត្រឹម ១ពិន្ទុប៉ុណ្នោះ ដោយចាញ់ EDC ១-០ និងស្មើអង្គរថាយហ្គ័រ ១-១ (ក្រៅដីទាំង២ប្រកួត)។

ក្រុមបឹងកេត នាការប្រកួតកន្លងមក (រូបភាព៖ CNCC)

ការប្រកួតរវាងកំពង់ចាម និងបឹងកេត នឹងផ្សាយផ្ទាល់តាមរយៈ YouTube CNCC។

៦គូប្រកួតផ្សេងទៀត នាសប្ដាហ៍ទី ៤ រួមមានដូចខាងក្រោម៖

ថ្ងៃសៅរ៍ ទី២០ ខែមេសា ឆ្នាំ២០១៩

អាស៊ីអឺរ៉ុបយូណាយធីត vs គិរីវង់សុខសែនជ័យ ម៉ោង ៣:៣០នាទី នៅកីឡដ្ឋានអេ.អ៊ី.យូ ស្ពតផាត (ផ្សាយផ្ទាល់ កម្ពុជាថ្មី)
យុវជនបាទី U18 vs អង្គរថាយហ្គ័រ (ម៉ោង ៣:៣០នាទីរសៀល នៅកីឡដ្ឋានសាលាបាល់ទាត់ជាតិបាទី (ផ្សាយផ្ទាល់ទូរទស្សន៍ BTV)
វិសាខា vs អគ្គិសនីកម្ពុជា ម៉ោង ៦ល្ងាច នៅកីឡដ្ឋានវិសាខា (ផ្សាយផ្ទាល់ CNCC)

ថ្ងៃអាទិត្យ ទី២១ ខែមេសា ឆ្នាំ២០១៩

អគ្គស្នងការដ្ឋាននគរបាលជាតិ vs ក្រសួងការពារជាតិ ម៉ោង ៣:៣០នាទីរសៀល នៅកីឡដ្ឋានអគ្គិសនីកម្ពុជា (ផ្សាយផ្ទាល់ BTV)
សូលទីឡូអង្គរ vs ណាហ្គាវើលដ៍ ម៉ោង ៣:៣០នាទីរសៀល នៅកីឡដ្ឋានខេត្តសៀមរាប (ផ្សាយផ្ទាល់ កម្ពុជាថ្មី)
ព្រះខ័៍នរាជស្វាយរៀង vs ភ្នំពេញក្រោន ម៉ោង ៦ល្ងាច នៅកីឡដ្ឋានខេត្តស្វាយរៀង (ផ្សាយផ្ទាល់ BTV)

អត្ថបទ៖ សុខ សុវត្ថិ