ស្លាប់និងរបួសជាង ៦០០នាក់ ក្នុងហេតុការណ៍បំផ្ទុះគ្រាប់បែក ៨លើកផ្ទួនៗគ្នានៅស្រីលង្កា
- 2019-04-21 12:38:19
- ចំនួនមតិ 0 | ចំនួនចែករំលែក 0
ស្លាប់និងរបួសជាង ៦០០នាក់ ក្នុងហេតុការណ៍បំផ្ទុះគ្រាប់បែក ៨លើកផ្ទួនៗគ្នានៅស្រីលង្កា
ចន្លោះមិនឃើញ
មនុស្សយ៉ាងហោចណាស់ ២០៧នាក់បានស្លាប់ និង៤៥០នាក់រងរបួសក្នុងហេតុការណ៍បំផ្ទុះគ្រាប់បែកនៅវិហារកាតូលិកចំនួន៣ និងសណ្ឋាគារធំៗ៣កន្លែងក្នុងប្រទេសស្រីលង្កា នាថ្ងៃទី២១ ខែមេសា ឆ្នាំ២០១៩។
ការបំផ្ទុះគ្រាប់បែកនេះ ធ្វើឡើងក្នុងអំឡុងពេលដែលស្រីលង្កា កំពុងប្រារព្ធពិធីបុណ្យមួយហៅថា «Easter Mass»។
រដ្ឋមន្រ្តីការពារជាតិស្រីលង្កា ឱ្យដឹងថា ជនសង្ស័យ ៧នាក់ត្រូវបានចាប់ខ្លួន ក្រោយមានការបំផ្ទុះគ្រាប់បែកជាបន្តបន្ទាប់នេះ។
លោក Ranil Wickremesinghe នាយករដ្ឋមន្រ្តីស្រីលង្កា បានបើកកិច្ចប្រជុំបន្ទាន់ក្រោយមានហេតុការណ៍នេះ ជាមួយមន្រ្តីយោធាជាន់ខ្ពស់ និងក្រុមប្រឹក្សាសន្តិសុខជាតិ ហើយលោកក៏ជំរុញឱ្យសភាបើកកិច្ចប្រជុំបន្ទាន់នៅថ្ងៃទី២២ ខែមេសា ឆ្នាំ២០១៩ស្អែកនេះផងដែរ។
លោកនាយករដ្ឋមន្រ្តីបានថ្កោលទោសចំពោះការវាយប្រហារនេះ ហើយលោកបានបញ្ជាឱ្យផ្នែកដែលពាក់ព័ន្ធចាត់វិធានការយ៉ាងតឹងរឹងដើម្បីធានាច្បាប់ និងសណ្ឋាប់ធ្នាប់ក្នុងប្រទេស៕