រឿងរ៉ាវគួរឲ្យចាប់អារម្មណ៍ នៅលីគកំពូលកម្ពុជា សប្ដាហ៍ទី៤

2019-04-22 02:31:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លីគកំពូលកម្ពុជា បានបញ្ចប់ទៅ ៤សប្ដាហ៍ហើយ គិតត្រឹមថ្ងៃអាទិត្យម្សិលមិញនេះ។ [ខ្លីៗ] សូមបង្ហាញរឿងរ៉ាវគួរឲ្យចាប់អារម្មណ៍ ៣ មកបង្ហាញជូនប្រិយមិត្ត ដូចខាងក្រោម៖

ព្រះខ័នរាជស្វាយរៀង បន្តកំណត់ត្រា ឈ្នះ ១០០% ខណៈភ្នំពេញក្រោន ចាប់ផ្ដើមរដូវកាលដ៏អាក្រក់បំផុត

ក្រុមព្រះខ័នរាជស្វាយរៀង បានបំបាក់ក្រុមគូប្រជែងភ្នំពេញក្រោន ៥-១ នាសប្ដាហ៍ទី ៤ នៃលីគកំពូលកម្ពុជា កាលពីថ្ងៃអាទិត្យម្សិលមិញ ដើម្បីបន្តឈរកំពូលតារាង និងរក្សាកំណត់ត្រា ឈ្នះ ១០០%។ ចំណែកភ្នំពេញក្រោន បានបន្តការចាប់ផ្ដើមរដូវកាលដ៏ក្រក់បំផុត ដោយចាញ់ ៣ និងឈ្នះតែ១ ប៉ុណ្ណោះ គឺឈ្នះក្រុមបាតតារាងយុវជនបាទី U18 កាលពីសប្ដាហ៍ទី២។

ជម្រើស ១១នាក់ដំបូងរបស់ក្រុមព្រះខ័នរាជស្វាយរៀង ក្នុងជំនួបទល់នឹងភ្នំពេញក្រោន (រូបភាព៖ ភ្នំពេញក្រោន)

**វិសាខា, ក្រសួងការពារជាតិ និងអង្គរថាយហ្គ័រ បន្តកំណត់ត្រាមិនចាញ់**

វិសាខា ក្រសួងការពារជាតិ និងអង្គរថាយហ្គ័រ ក៏មិនទាន់ស្គាល់ពាក្យថាចាញ់ដូចគ្នាដែរ ប៉ុន្តែមិនមែនឈ្នះ ១០០% ដូចព្រះខ័នរាជស្វាយរៀងនោះទេ។ វិសាខា និងក្រសួងការពារជាតិ ឈ្នះ ៣ ស្មើ ១ រីឯអង្គរថាយហ្គ័រ ឈ្នះ២ ស្មើ២។ ប្រកួតសប្ដាហ៍ទី ៤ នេះ វិសាខា បានបំបាក់អគ្គិសនីកម្ពុជា ៤-០, ក្រសួងការពារជាតិ ឈ្នះអគ្គស្នងការដ្ឋាននគរបាលជាតិ ៤-២ ចំណែកអង្គរថាយហ្គ័រ បំបាក់យុវជនបាទី ៦-០។