លោក ស៊ី ជីនពីង ថាប្រជាជនចិនស្រឡាញ់សន្តិភាព ហើយប្រាប់ប្រទេសនានាកុំឱ្យប្រើកងទ័ពដាក់គ្នា

2019-04-23 06:29:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីចិន លោក ស៊ី ជីនពីង បានថ្លែងថា ប្រជាជនចិនស្រឡាញ់សន្តិភាព ហើយថាបណ្តាប្រទេសនានា មិនគួរគំរាមកំហែងដាក់គ្នាដោយការប្រើកម្លាំងនោះទេ។ ការថ្លែងនេះ ធ្វើឡើងក្នុងពិធីព្យហយាត្រា ប្រារព្ធខួប ៧០ឆ្នាំនៃការបង្កើតកងទ័ពជើងទឹក នាថ្ងៃទី២៣ ខែមេសា ឆ្នាំ២០១៩ នៅក្រុង Qingdao។

លោក ស៊ី ជីនពីង ថ្លែងនាពេលកន្លងមក (រូបថត៖ Xinhua)

លោកនិយាយថា៖ «**គ្រប់គ្នាគួរតែគោរពគ្នាទៅវិញទៅមក ប្រព្រឹត្តដាក់គ្នាដោយស្មើភាព បង្កើនទំនុកចិត្តទៅវិញទៅមក ពង្រឹងកិច្ចសន្ទនា និងការដោះដូរលើផ្លូវសមុទ្រ និងពង្រឹងទំនាក់ទំនងកិច្ចសហប្រតិបត្តិការរវាងកងទ័ពជើងទឹកទាំងអស់**»។

ប្រធានាធិបតីចិនរូបនេះបន្តថា ប្រទេសទាំងអស់គួរតែប្រកាន់ខ្ជាប់នូវភាពស្មើគ្នា ធ្វើឱ្យប្រសើរឡើងនូវយន្តការទំនាក់ទំនងដោះស្រាយវិបត្តិ ពង្រឹងកិច្ចសហប្រតិបត្តិការសន្តិសុខក្នុងតំបន់ និងជំរុញការដោះស្រាយពាក់ព័ន្ធនឹងជម្លោះក្នុងសមុទ្រ៕

ប្រភព៖ CNBC ប្រែសម្រួល៖ សំភី