លោក គីម ជុងអ៊ុន កំពុងជិះរថភ្លើងទៅជួបលោក ពូទីន ក្នុងចម្ងាយផ្លូវជិត ៧០០គីឡូម៉ែត្រ

2019-04-24 01:54:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាព្រឹកថ្ងៃទី២៤ ខែមេសា ឆ្នាំ២០១៩នេះ មេដឹកនាំកូរ៉េខាងជើង លោក គីម ជុងអ៊ុន បានចាកចេញពីក្រុងព្យុងយ៉ាងហើយតាមរថភ្លើងទៅជួបលោក វ្លាឌីមៀ ពូទីន ប្រធានាធិបតីរុស្ស៊ី នៅក្រុង Vladivostok ចុងបូព៌ារុស្ស៊ី។

រូបថត៖ វិបសាយ CNN

ភ្នាក់ងារកូរ៉េខាងជើង KCNA បានរាយការណ៍ថា លោក គីម ជុងអ៊ុន បានជិះរថភ្លើងឯកជនទៅកាន់ក្រុងនោះ ក្នុងចម្ងាយផ្លូវជិត ៧០០គីឡូម៉ែត្រ ដែលអមដំណើរដោយមន្រ្តីរដ្ឋាភិបាល និងយោធាជាន់ខ្ពស់។

វិមានគ្រីមឡាំង បានប្រកាសកាលពីម្សិលមិញថា ជំនួបកំពូល ពូទីន-គីម ជុងអ៊ុន នឹងធ្វើឡើងនៅថ្ងៃទី២៥ ខែមេសា ឆ្នាំ២០១៩ស្អែកនេះ ដោយផ្តោតទៅលើដំណោះស្រាយនយោបាយ និងការទូត ក្នុងបញ្ហានុយក្លេអ៊ែរនៅឧបទ្វីបកូរ៉េ។ មេដឹកនាំទាំង២ នឹងជួបពិភាក្សាទល់មុខគ្នា បន្ទាប់មកនឹងមានការចូលរួមពីគណៈប្រតិភូ៕

ចុចអានបន្ថែម៖ ដឹងត្រួសៗ មុនជំនួបកំពូលលើកដំបូងរវាង ពូទីន-គីម ជុងអ៊ុន

ប្រភព៖ CNN ប្រែសម្រួល៖ សំភី