កូនប្រុស CR7 ជួយ U-9 Juventus ឈ្នះពាន និងក្លាយជា Top Scorer ក្រោយស៊ុតចូល ២៥គ្រាប់

2019-04-24 03:04:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Cristiano Ronaldo Jr ដែលជាកូនប្រុសច្បងរបស់ Cristiano Ronaldo បានដើរតាមគន្លងរបស់ឪពុក ដោយអាចស៊ុតបញ្ចូលទីបានដល់ទៅ ២៥គ្រាប់ ឲ្យក្រុមអាយុក្រោម ៩ឆ្នាំ Juventus (U-9)។

ចាប់តាំងពីផ្ទេរពីក្រុមយុវជន Real Madrid មក Juventus តាមឪពុកកាលពីខែកញ្ញា ឆ្នាំ២០១៨ កុមារាដែលមានអាយុ ៨ឆ្នាំ ១០ខែរូបនេះ ធ្លាប់ជួយក្រុមលើកពាន១រួចមកហើយ កាលពីខែធ្នូកន្លងទៅ ហើយកាលពីសប្ដាហ៍មុន រូបគេបានជួយឲ្យក្រុមឈ្នះពានមួយទៀត គឺពានTorneo Internacional de Marítimo។

ក្នុងពានរង្វាន់នេះ មានការប្រកួតតែ ៨ប្រកួតប៉ុណ្ណោះ ប៉ុន្តែ Cristiano Jr. បានស៊ុតបញ្ចូលទីសរុប ដល់ទៅ ២៥គ្រាប់។ អ្វីដែលគួរឲ្យចាប់អារម្មណ៍ គឺក្នុងប្រកួតបើកឆាក រូបគេបានស៊ុតបញ្ចូលទីដល់ទៅ ៧គ្រាប់ម្នាក់ឯង ត្រឹមតង់ទី១។ ហើយនៅវគ្គផ្ដាច់ព្រ័ត្រ Jr. បានជួយឲ្យក្រុម យកឈ្នះក្រុម U-9 Atletico Madrid ថែមទៀតផង។

Cristiano Jr. និងមិត្តរួមក្រុម U-9 Juventus អបអរក្រោយឈ្នះពាន

សូមបញ្ជាក់ថា ពានរង្វាន់ Torneo Internacional de Marítimo លេងនៅទឺកដីកំណើតរបស់ Ronaldo តែម្ដង គឺនៅក្រុង Madeira ប្រទេសព័រទុយហ្គាល់។ ពាននេះ មានការចូលរួមពីក្រុមក្មេងៗជាច្រើន ដែលក្នុងនោះក៏មាន U-9 Atletico Madrid (ចាញ់ U-9 Juventus វគ្គផ្ដាច់ព្រ័ត្រ), Porto និង Benfica ជាដើម។ ក្នុងការប្រកួតផ្ដាច់ព្រ័ត្រ មិនមានវត្តមាន Ronaldo ទៅគាំទ្រនោះទេ ដោយសារជាប់ភារកិច្ចប្រកួត ប៉ុន្តែម្ដាយរបស់ Ronaldo គឺលោកស្រី Dolores Aveiro បានទៅគាំទ្រចៅប្រុស ដល់ទីលានប្រកួតតែម្ដង៕

ខាងក្រោមនេះ ជាវីដេអូបច្ចេកទេសស៊ុតបញ្ចូលទីរបស់ Cristiano Jr.៖