តុលាការកោះហៅ លោក ហ៊ាង គឹមស្រឿន អ្នកវិភាគនយោបាយ ចូលបំភ្លឺ លើបណ្ដឹងចាក់ដីរំលោភយកដៃទន្លេ

2019-04-24 06:25:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ហ៊ាង គឹមស្រឿន អ្នកវិភាគនយោបាយ និងជាអ្នកតាមដានឃ្លាំមើលការអនុវត្តព្រឹត្តិការណ៍សង្គម ត្រូវបានលោក សាយ ណូរ៉ា តំណាងអយ្យការអមសាលាដំបូងរាជធានីភ្នំពេញ ចេញដីកាកោះឲ្យចូលខ្លួនឆ្លើយបំភ្លឺ នៅថ្ងៃទី២៩ ខែមេសា ឆ្នាំ២០១៩ វេលាម៉ោង ៩ព្រឹក ដើម្បីស្ដាប់ការបំភ្លឺលើបណ្ដឹងពាក់ព័ន្ធការចាក់ដីរំលោភយកដៃទន្លេ នៅជិតមជ្ឈមណ្ឌលកម្សាន្តកោះពេជ្រ នឹងនៅជិតផ្សារអ៊ីអន១។

សូមជម្រាបថា លោក ហ៊ាង គឹមស្រឿន បានដាក់ពាក្យបណ្ដឹងទៅកាន់ព្រះរាជអាជ្ញានៃអយ្យការអមសាលាដំបូងរាជធានីភ្នំពេញកាលពីថ្ងៃទី០១ ខែមេសា ឆ្នាំ២០១៩ ដោយបានសុំប្ដឹងឲ្យធ្វើការស៊ើបអង្កេតស្រាវជ្រាវវែកមុខទៅលើជនចាក់ដីរំលោភយកដៃទន្លេ មានទីតាំងស្ថិតនៅក្នុងទឹកដីខណ្ឌដូនពេញ ជិតមណ្ឌលកោះពេជ្រ នឹងជិតផ្សារអ៊ីអនដែលជាទ្រព្យសម្បត្តិរបស់រដ្ឋ និងជាទ្រព្យសម្បត្តិរួមរបស់ប្រជាជាតិខ្មែរទូទៅ ដើម្បីយកមកផ្តន្ទាទោសទៅតាមផ្លូវច្បាប់៕