វៀតណាមឡើងកម្ដៅក្ដៅបំផុត មិនធ្លាប់មានក្នុងប្រវត្តិសាស្ត្រ

2019-04-25 03:37:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វៀតណាម បានទទួលរងឥទ្ធិពលរលកកម្ដៅខ្លាំងបំផុត ដែលមិនធ្លាប់មានក្នុងប្រវត្តិសាស្ត្ររបស់ខ្លួន ខណៈប្រទេសជាច្រើនកំពុងរងផលប៉ះពាល់ពី El Nino។

យោងតាម Washington Post ឲ្យដឹងថា នៅសង្កាត់ Huong Khe នៃខេត្ត Ha Tinh ដែលស្ថិតនៅចម្ងាយ ១៥០គីឡូម៉ែត្រភាគខាងត្បូងទីក្រុងហាណូយ បានទទួលរងកម្ដៅខ្លាំងរហូតដល់ ៤៣,៤អង្សាសេ ខ្ពស់បំផុតមិនធ្លាប់មាន ខណៈជារៀងរាល់ឆ្នាំ ក្នុងអំឡុងខែនេះ សីតុណ្ហភាពមានត្រឹមជាង ៣០អង្សាប៉ុណ្ណោះ។

ចំណែកឯផ្នែកផ្សេងទៀតនៃប្រទេសដូចជាខេត្តដាណាង សីតុណ្ហភាពឡើងដល់ ៣៧អង្សា ខណៈទីក្រុងហូជីមិញត្រឹម ៣៥អង្សា។ លើសពីនេះទៀត នៅតំបន់ជាច្រើននៃប្រទេសវៀតណាម មានសីតុណ្ហភាពដល់ជាង ៣០អង្សាទៅហើយត្រឹមម៉ោង ៦ព្រឹក ដែលបង្កការលំបាកដល់ការដកដង្ហើម។

យ៉ាងណាមិញ មិនមែនមានតែប្រទេសវៀតណាមប៉ុណ្ណោះទេដែលឡើងកម្ដៅខុសប្លែកពីធម្មតានៅក្នុងឆ្នាំនេះ ដោយប្រទេសជាច្រើននៅឥណ្ឌូចិនក៏ទទួលរងឥទ្ធិពលកម្ដៅដូចគ្នា ខណៈដែលអ្នកវិទ្យាសាស្ត្រព្រមានថាកម្ដៅអាចនឹងកើនឡើងថែមទៀត៕

ប្រភព៖ Sabay News ប្រែសម្រួល៖ រ័ត្ន