លោក ស៊ី ជីនពីង ប្រកាសថា ចិននឹងផ្តល់ជិត ៩០លានដុល្លារ ដល់វិស័យការពារជាតិកម្ពុជា

2019-04-29 06:31:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ី ជីនពីង ប្រធានាធិបតីចិន បានប្រកាសថា ចិននឹងបន្តគាំទ្រជួយដល់វិស័យការពារជាតិកម្ពុជា ពោលគឺចិន នឹងជួយ ៦០០លានយ័ន (ជាង ៨៩លានដុល្លារ) ដល់វិស័យនេះ។ លោកថ្លែងដូច្នេះ ក្នុងជំនួបជាមួយសម្តេចនាយករដ្ឋមន្រ្តី ហ៊ុន សែន នាព្រឹកថ្ងៃទី២៩ ខែមេសា ឆ្នាំ២០១៩ នៅក្រុងប៉េកាំង ប្រទេសចិន មុនសម្តេចវិលមកកម្ពុជាវិញ។

លោក ស៊ី ជីនពីង បានមានប្រសាសន៍ថា កម្ពុជា និងចិនជាមិត្តដ៏ល្អនឹងគ្នា។ ប្រទេសទាំង២ បានចុះហត្ថលេខាលើឯកសារសំខាន់ៗ ជាពិសេសកិច្ចសហប្រតិបត្តិការរួមគ្នាដែលអាចបន្តធ្វើការងារជាមួយគ្នាតាមផែនការសកម្មភាព ហើយប្រទេសទាំង២ ត្រូវតែបន្តថែទាំមិត្តភាពឱ្យបានល្អ។

ជាការឆ្លើយតប សម្តេច ហ៊ុន សែន បានអរគុណដល់លោកប្រធានាធិបតីចិន ក៏ដូចជារដ្ឋាភិបាលចិន ដែលកន្លងមកតែងតែចូលរួមចំណែកក្នុងការកសាងអភិវឌ្ឍន៍ប្រទេសកម្ពុជា ហើយសម្តេចក៏បានគូសបញ្ជាក់ផងដែរថា ស្ថានភាពផ្ទៃក្នុង ក៏ដូចជាសេដ្ឋកិច្ចកម្ពុជានៅតែមានភាពល្អប្រសើរ។

សម្តេចបន្តថា តាមរយៈជំនួបនេះ គឺបានប្រព្រឹត្តទៅជាផ្លែផ្កាដែលប្រទេសទាំងពីរ នឹងសហការគ្នាជាមិត្តភាព ជាមិត្តដែកថែប ជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយជាបន្តបន្ទាប់ទៀត៕