មន្រ្តីជាន់ខ្ពស់ក្រសួងការពារជាតិ ប្រាប់នាយទាហានកុំឱ្យមានការភ្ញាក់ផ្អើល រឿងទម្លាក់សក្តិ

2019-05-02 03:00:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋលេខាធិការប្រចាំការ នៃក្រសួងការពារជាតិ លោកនាយឧត្តមសេនីយ៍ នាង ផាត បានបញ្ជាក់ និងបដិសេធ ចំពោះពាក្យចចាមអារាមដែលថា ក្រសួងការពារជាតិ មានគម្រោងទម្លាក់សក្តិ ដែលលោកថា ព័ត៌មាននេះមិនមែនជាការពិតទេ ហើយលោកស្នើសុំឱ្យនាយទាហានទាំងអស់កុំមានការភ្ញាក់ផ្អើលតាមការបកស្រាយខុសគោលបំណងរបស់រាជរដ្ឋាភិបាលកម្ពុជា ក្នុងផែនការកែទម្រង់កងយោពលខេមភូមិន្ទ រយៈពេល៥ឆ្នាំ ២០១៥-២០១៩។ នេះបើតាមការបង្ហោះនៅលើទំព័រហ្វេសប៊ុករបស់អ្នកនាំពាក្យក្រសួងការពារជាតិ។

ការថ្លែងខាងលើនេះ ធ្វើឡើងក្នុងកិច្ចប្រជុំមួយដើម្បីបូកសរុបលទ្ធផលការងារប្រចាំខែមេសា និងលើកទិសដៅការងារបន្តសម្រាប់ខែឧសភា ឆ្នាំ២០១៩ នៅក្រសួងការពារជាតិ នាព្រឹកថ្ងៃទី២ ខែឧសភា ឆ្នាំ២០១៩។

លោកនាយឧត្តមសេនីយ៍ នាង ផាត ពន្យល់ថា ការកែទម្រង់ឋានន្តសក្តិ ក្នុងកងយោធពលខេមភូមិន្ទ មានផែនការយុទ្ធសាស្រ្តយូរអង្វែង ជាជំហានៗ ដើម្បីកសាងកងទ័ពមួយមានគុណភាព និង ប្រសិទ្ធភាពដឹកនាំ បញ្ជាឱ្យសមស្របតាមការវិវឌ្ឍនៃសភាពការណ៍ជាតិ និងអន្តជាតិ។ «មិនមែនកាត់ ឬទម្លាក់សក្តិ ដូចការបកស្រាយភាន់ច្រឡំនោះទេ»៕

រូបថត៖ ហ្វេសប៊ុកលោកនាយឧត្តមសេនីយ៍ ឈុំ សុជាត

អត្ថបទទាក់ទង៖

អត្ថបទ៖ សំភី