រដ្ឋមន្រ្តីក្រសួងព័ត៌មាន ប្រាប់ឱ្យផ្អាកផ្សាយគ្រឿងស្រវឹង នៅថ្ងៃបុណ្យព្រះពុទ្ធសាសនាចំនួន២

2019-05-02 06:43:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានណែនាំប្រព័ន្ធផ្សព្វផ្សាយតាមរយៈលិខិតមួយចុះកាលពីថ្ងៃទី៣០ ខែមេសា ឆ្នាំ២០១៩ ឱ្យផ្អាកការផ្សាយស្ប៉តពាណិជ្ជកម្មផលិតផលគ្រឿងស្រវឹង នៅថ្ងៃប្រារព្ធពិធីបុណ្យវិសាខបូជា និងមាឃបូជា ជារៀងរាល់ឆ្នាំ ដើម្បីលើកស្ទួយវិស័យព្រះពុទ្ធសាសនា ដែលជាសាសនារបស់រដ្ឋ។

ក្នុងលិខិតនេះ បានរៀបរាប់ថា ជារៀងរាល់ឆ្នាំ នៅកម្ពុជាតែប្រារព្ធពិធីបុណ្យវិសាខបូជា និងមាឃបូជា ដែលរាជរដ្ឋាភិបាលបានកំណត់ថា ជាថ្ងៃបុណ្យជាតិ។ បុណ្យវិសាខបូជា ធ្វើឡើងដើម្បីរំលឹកដល់ព្រឹត្តិការណ៍ពិសេសចំនួន៣ ទាក់ទងនឹងព្រះសម្មាសម្ពុទ្ធប្រសូត ត្រាស់ដឹង និងការចូលនិព្វានក្នុងថ្ងៃ១៥កើត ពេញពូណ៌មី ខែវិសាខ។ ចំណែកពិធីបុណ្យមាឃបូជា ប្រារព្ធធ្វើឡើងក្នុងន័យរំលឹកដល់ថ្ងៃដែលព្រះសម្មាសម្ពុទ្ធទ្រង់ប្រកាសបង្កើតព្រះពុទ្ធសាសនាក្នុងលោក នៅប្រទេសឥណ្ឌា កាលពី៥៨៨ឆ្នាំមុនគ.ស នាថ្ងៃទី១៥កើត ខែមាឃ ក្រោយពីការត្រាស់ដឹងរបស់ព្រះអង្គចំនួន៩ខែគត់។

សូមជម្រាបថា ពិធីបុណ្យវិសាខបូជា នៅឆ្នាំនេះ នឹងប្រព្រឹត្តទៅនៅថ្ងៃទី១៨ ខែឧសភា ឆ្នាំ២០១៩៕

អត្ថបទ៖ សំភី