កែវ សុខផេង ស៊ុត ៧គ្រាប់ម្នាក់ឯង ជួយឲ្យវិសាខា បំបាក់ កំពង់ចាម ទក់សាច់ ១៤-០

2019-05-04 14:40:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមចំណូលថ្មី ខេត្តកំពង់ចាម ដែលឡើងមកលេងក្របខណ្ឌលីគកំពូលកម្ពុជា ដោយមិនឆ្លងកាត់ការប្រកួតជម្រុះ ឬប្រកួតលីគលំដាប់ទី២ នោះ បានបន្តរងបរាជ័យធ្ងន់កជាថ្មីម្ដងទៀត ក្រោយត្រូវក្រុមវិសាខា បំបាក់ដោយលទ្ធផល ១៤-០ ក្នុងសប្ដាហ៍ទី ៦ នៃលីគកំពូលកម្ពុជា នាថ្ងៃទី៤ ខែឧសភានេះ។

កែវ សុខផេង ស៊ុតបញ្ចូលទីក្រុមខេត្តកំពង់ចាម

១៤ គ្រាប់របស់ក្រុមម្ចាស់ផ្ទះវិសាខា រកបានដោយខ្សែប្រយុទ្ធជម្រើសជាតិកម្ពុជា កែវ សុខផេង ៧គ្រាប់, Skraparas Evangelos ២គ្រាប់, ស៊ិន សុផាណាត់ ២គ្រាប់, Nikolov Luben Gueorguiev ១គ្រាប់, Pak Song Chol ១គ្រាប់ និងសុខ សុវណ្ណ ១គ្រាប់។

សូមបញ្ជាក់ថា ក្រោយឈ្នះក្រុម EDC ១-០ ក្នុងប្រកួតបើកឆាកមក ក្រុមខេត្តកំពង់ចាម បានរបូត ៤៦គ្រាប់ ក្នុង ៥ប្រកួត ដែលមិនស៊ុតចូលគេសូម្បី១គ្រាប់ ពោលគឺចាញ់ក្រសួងការពារជាតិ ១១-០, ចាញ់ Cambodia Tiger ១១-០, ចាញ់បឹងកេត ៧-០, ចាញ់យុវជន U18 សាលាបាល់ទាត់ជាតិបាទី ៣-០ និងចាញ់វិសាខា ១៤-០៕